Border News Agency
မဲဆောက်၊ ဇူလိုင် ၁၅။
ထိုင်းနိုင်ငံ၊တာ့ခ်ခရိုင်၊ မဲဆောက်မြို့နယ်၊ သာဆိုင်းလွတ်ကျေးရွာအုပ်စုရှိ သာခမ်း ၃၄ (နတ်ကွန်း)အနောက်ဘက် တောစပ်တခုမှာ တရားမဝင်ခိုးဝင်လာတဲ့ အသက် တဆယ့်ကိုးနှစ်အရွယ် မြန်မာနိုင်ငံသား လူငယ်တဦးကို ထိုင်းအာဏာပိုင်တွေက ဖမ်းဆီးခဲ့ပါတယ်။
ဒီဖမ်းဆီးမှုကို ဇူလိုင်လ ၁၄ ရက်၊ည ၈နာရီခွဲအချိန်ခန့်က က တာ့ခ်ခရိုင်ရဲတပ်ဖွဲ့ စုံစမ်းစစ်ဆေးရေးဌာနနဲ့ ထိုင်းရေတပ်မတော် ပူးပေါင်းအဖွဲ့တို့က လှည့်ကင်းဆောင်ရွက်ရင်း ဖမ်းဆီးခဲ့တာ ဖြစ်ပါတယ်။
အဲဒီ မြန်မာလူငယ်ကို ထိုင်းနိုင်ငံရဲ့ ၂၀၂၂ ခုနှစ်၊ ညှဉ်းပန်းနှိပ်စက်မှုတားဆီးကာကွယ်ရေးအက်ဥပဒေ ပုဒ်မ ၂၂ အရ ဖမ်းဆီးအရေးယူထားတာ ဖြစ်ပါတယ်။
အဲဒီ ဖမ်းဆီးရမိသူကို တရားဥပဒေကြောင်းအရ ထိရောက်စွာ ဆက်လက်အရေးယူနိုင်ဖို့အတွက် တာ့ခ်ခရိုင်ရဲစခန်းဆီသို့ လွှဲပြောင်းပို့ဆောင်ထားတယ်လို့ သိရပါတယ်။
