Border News Agency
ပေါက်တော၊ဇူလိုင် ၁၅။
အာရက္ခတပ်တော်(AA)ထိန်းချုပ်ထားတဲ့ပေါက်တောမြို့နယ်ကို ဇူလိုင်လ ၁၅ရက်နေ့၊ညနေ ၇ နာရီကျော်အချိန်ခန့်ကအာဏာသိမ်းစစ်တပ်လေကြောင်းတိုက်ခိုက်ခဲ့တယ်လို့ ဒေသခံတွေက ဆိုကြပါတယ်။
အဲဒီပေါက်တောမြို့နယ်၊မနော်သီရိကျေးရွာနဲ့ငခူရှည်ကျေးရွာကို အာဏာသိမ်းစစ်တပ်တိုက်လေယာဥ်နှစ်စီးကလေကြောင်းတိုက်ခိုက်ခဲ့တာကြောင့် အရပ်သားနှစ်ဦးဒဏ်ရာရသွားခဲ့ပါတယ်။
အဲဒီ မနော်သီရိရွာမှ အသက်နှစ်ဆယ့်ခြောက်နှစ်အရွယ်မနှင်းစိုးမှု ဘယ်ဖက်လက်နဲ့ငခူရှည်ရွာမှ အသက်ငါးဆယ်နှစ်နှစ်အရွယ်ဦးခင်ထွန်းဝင်းမှာ ဦးခေါင်းမှာဒဏ်ရာရသွားကြတာပါ။
အာဏာသိမ်းစစ်တပ်ဟာ အာရက္ခတပ်တော်ထိန်းချုပ်ထားတဲ့ မြို့တွေကို စစ်သင်္ဘောတွေက လက်နက်ကြီး၊လေယာဉ်တွေနဲ့ဆက်တိုက်ပစ်ခတ်နေလို့ ပြည်သူတွေအတွက် အန္တရာယ်အမြင့်ဆုံးဖြစ်နေတယ်လို့ အာရက္ခတပ်တော်က ဆိုပါတယ်။
လူနေထူထပ်တဲ့ အရပ်သားပြည်သူတွေနေထိုင်ရာနေရာ၊စာသင်ကျောင်း၊ဆေးရုံ၊ဆေးခန်းနဲ့ သာသနိကအဆောက်အအုံတွေကို အာဏာသိမ်းစစ်တပ်က ရည်ရွယ်ချက်ရှိရှိရေကြောင်း၊လေကြောင်းက တိုက်ခိုက်မှု ပြုလုပ်နေတယ်လို့ ဆိုပါတယ်။
အဲဒါကြောင့် ပင်လယ်ကမ်းနီးမြို့၊ ရွာတွေက မိဘပြည်သူတွေဟာ အာဏာသိမ်းစစ်တပ်ရေကြောင်း၊လေကြောင်းတိုက်ခိုက်မှုအန္တရာယ်ကို အထူးသတိထားကြပြီး စစ်ရေးသတိရှိဖို့အသိပေးထားပါတယ်။
