Border News Agency
အိန္ဒိယ၊ ဩဂုတ် ၁၉။
နေပြည်တော်မှာ သြဂုတ်လ ၁၈ ရက်နေ့က အာဏာသိမ်းစစ်တပ်ရဲ့ နယ်စပ်ရေးရာဝန်ကြီးဌာနနဲ့ အိန္ဒိယသံအမတ်ကြီးလက်မှတ်ရေးထိုးခဲ့ကြပါတယ်။
အဲဒီအိန္ဒိယသမ္မတနိုင်ငံအကူအညီနဲ့ အကောင်အထည်ဖော်ဆောင်ရွက်မယ့် အသေးစားဖွံ့ဖြိုးမှုစီမံကိန်းဆိုင်ရာနားလည်မှုစာချွန်လွှာ(MoU)ကို လက်မှတ်ထိုးကြတာပါ။
အဲဒီအာဏာသိမ်းစစ်တပ်နယ်စပ်ရေးရာဝန်ကြီး ဒုတိယဗိုလ်ချုပ်ကြီးဖုန်းမြတ်နဲ့ အိန္ဒိယသံအမတ်ကြီး H. E. Mr. Abhay Thakur တက်ကြပါတယ်။
အဲဒီအိန္ဒိယသံအမတ်ကြီးနဲ့ နယ်စပ်ဒေသတိုင်းရင်းသားလူမျိုးတွေ ဖွံ့ဖြိုးတိုးတက်ရေးဦးစီးဌာနညွှန်ကြားရေးမှူးချုပ်က နားလည်မှုစာချွန်လွှာကို လက်မှတ်ရေးထိုးလဲလှယ်ခဲ့ကြတာပါ။
အဲဒီ MoU အရ ရန်ကုန်မြို့၊ဒဂုံမြို့သစ်ခရိုင်မှာ ကူညီထောက်ပံ့ပေးရေးပစ္စည်းတွေထားရှိဖို့ RC နှစ်ထပ်သိုလှောင်ရုံတည်ဆောက်တဲ့ စီမံကိန်းကို အကောင်အထည်ဖော်မှာဖြစ်ပါတယ်။
အဲဒီသိုလှောင်ရုံမှာ နယ်စပ်ဒေသဖွံ့ဖြိုးရေးနဲ့ သဘာဝဘေးအန္တရာယ်ကျရောက်ချိန်တွေအတွက် အရေးပေါ် လိုအပ်တဲ့ပစ္စည်းတွေကို သိုလှောင်ဖြန့်ဝေပေးသွားမှာပါ။
