Border News Agency
မြောက်ဦး၊ နိုဝင်ဘာ ၈။
အာရက္ခတပ်တော် (AA) တပ်မှူးချုပ် ဗိုလ်ချုပ်ထွန်းမြတ်နိုင်ရဲ့ နိုဝင်ဘာလ ၇ ရက်နေ့မှာ ကျရောက်တဲ့ အသက်လေးဆယ့်ရှစ်နှစ်ပြည့် မွေးနေ့အတွက် ကချင်လွတ်လပ်ရေးတပ်မတော် (KIO/KIA) ဒုဗိုလ်ချုပ်ကြီး ဂွန်မော်က ဆုတောင်းစကား ပေးပို့လိုက်ပါတယ်။
ဒုဗိုလ်ချုပ်ကြီး ဂွန်မော်ဟာ ဗိုလ်ချုပ်ထွန်းမြတ်နိုင်၊ ဒုတပ်မှူးချုပ် ဒေါက်တာညိုထွန်းအောင်တို့နဲ့အတူ လက်ဖက်ရည်သောက်ရင်း စကားပြောနေကြတဲ့ ဓာတ်ပုံပေါ်မှာ “Happy Birthday” လို့ ရေးသားပြီး ရိုးရှင်းစွာ မွေးနေ့ဆုတောင်းပေးခဲ့တာဖြစ်ပါတယ်။
အာရက္ခတပ်တော်နဲ့ ကချင်လွတ်လပ်ရေးတပ်မတော်တို့ဟာ စစ်ရေးနဲ့ နိုင်ငံရေးဆိုင်ရာ စိန်ခေါ်မှုတွေကို အတူတကွ ရင်ဆိုင်ကျော်လွှားနေကြတဲ့ တော်လှန်ရေးမဟာမိတ်အဖွဲ့အစည်းတွေ ဖြစ်ကြပါတယ်။
စစ်အာဏာရှင်စနစ် ချုပ်ငြိမ်းရေးနဲ့ ဖက်ဒရယ်ဒီမိုကရေစီ ပန်းတိုင်အတွက် နှစ်ဖက် တပ်ဖွဲ့တွေကြား ခိုင်မာတဲ့ ယုံကြည်မှု၊ ပူးပေါင်းဆောင်ရွက်မှုတွေနဲ့အတူ ဆက်လက် လက်တွဲလုပ်ဆောင်နေကြပါတယ်။
