Border News Agency
မောင်တော၊ ဇွန် ၉။
အာရက္ခတပ်တော်ထိန်းချုပ်ထားတဲ့မောင်တောမြို့နယ်မှာ ကျောင်းသုံးပုံနှိ ပ်စာအုပ်တွေ စျေးကြီးနေတယ်လို့ ကျောင်းသားမိဘတွေနဲ့စာရေးကိရိယာအရောင်းဆိုင်တွေက ဆိုကြပါတယ်။
အဲဒီအပြင် ဗလာစာအုပ်၊ခဲတံ၊ဘောပင်၊ပေတံအစရှိတဲ့ကျောင်းသုံးကိရိယာတွေလည်း ဈေးကြီးနေတယ်လို့ ကျောင်းသားမိဘတွေက ဆိုကြပါတယ်။
“ကလေးကျောင်းထားဖို့ကမလွယ်တော့ပါဘူး။ ပုံနှိပ်စာအုပ်တွေ၊ စာရေးကိရိယာတွေဝယ်ဖို့တောင် သိန်းချီကုန်ပါတယ်။ အကုန်လုံးက စျေးကြီးနေပါတယ်။ဘာမှစျေးနည်းတာမရှိပါဘူး။ ခဲတံကအစစျေးကြီးနေတာပါ။” လို့ မောင်တောမြို့မှကျောင်းသားမိဘတဦးက Border News Agency ကို ပြောပါတယ်။
အဲဒီကျောင်းသုံးပုံနှိပ်စာအုပ်တွေဟာ KG တန်းဆိုရင်နှစ်သောင်းကျပ်၊ G1မှ G3ထိသုံးသောင်းကျပ်၊ G4မှG5ထိကျပ်သုံးသောင်းခွဲမှလေးသောင်းကျပ်ထိ၊ G6မှG8ထိကျပ်လေးသောင်းခွဲ၊G9 ငါးသောင်းကျပ်၊ G10 ကျပ်ခြောက်သော င်းခွဲ၊G11 ကျပ်ခုနှစ်သောင်းခွဲ၊G12 က ကျပ်ရှစ်သောင်းခွဲထိရှိနေတယ်လို့ စာ ရေးကရိယာအရောင်းဆိုင်တွေက ဆိုကြပါတယ်။
အဲဒီအပြင် ကျောင်းသုံးဗလာစာအုပ်တအုပ်ကို အနည်ဆုံးနှစ်ထောင်ကျပ်ထိရှိနေပြီး အပိုလိုဗလာစာအုပ်တဒါစင်ကို ကျပ်နှစ်သောင်းငါးထောင်ထိစျေးတက်နေပါတယ်။
အဲဒီလိုစျေးကြီးနေတာဟာ ပုံနှိပ်စာအုပ်တွေအပါအဝင် စာရေးကိရိယာပစ္စည်းတွေ မှာယူဝယ်ရခက်ခဲသလို လမ်းပန်းဆက်သွယ်ရေးခက်ခဲတာမို့ ကုန်ကျစာရိတ်တွေများတာကြောင့် စျေးကြီးနေတာလို့ စာရေးကိရိယာပစ္စည်းအရောင်းဆိုင်တွေက ဆိုကြပါတယ်။
“မောင်တောမှာ ကျောင်းသုံးပုံနှိပ်စာအု ပ်တွေကရှားပါးပစ္စည်းတွေဖြစ်နေပါတ ယ်။မှာရတာ၊ဝယ်ရတာတအားခက်ပါတယ်။လမ်းပန်းဆက်သွယ်ရေးလည်းမကောင်းပါဘူး။ကုန်ကျစာရိတ်တွေတအားများပါတယ်။ဒါကြောင့်စျေးကြီးနေတာပါ။” လို့ မောင်တောမြို့မှစာရေးကိရိယာအရောင်းဆိုင်ပိုင်ရှင်တဦးက Border News Agency ကို ပြောပါတယ်။
နောက်ပြီး လက်ရေးလှဗလာစာအုပ်တဒါစင်ကို သုံးသောင်းကျပ်၊ ဗလာစာအုပ်အစိမ်း (အရင်အစိုးရထောက်ပံ့စာအုပ်) တဒါစင်ကို နှစ်သောင်းကျပ်မှနှစ်သောင်းငါးထောင်ကျပ်ထိ စျေးတက်နေတ ယ်လို့ စာရေးကိရိယာအရောင်းဆိုင်တွေက ဆိုကြပါတယ်။
အဲဒီအပြင် G 1မှ G 4 ထိ မီးနင်းစာအုပ် တအုပ်ကို ငါးထောင်ကျပ်မှခြောက်ထောင်ကျပ်ထိရှိနေသလို G5 မှG 11ထိရှစ်ထောင်ကျပ်ထိရှိနေပြီးG12 က တော့ တသောင်းကျပ်ထိရှိတယ်လို့ စာရေးကရိယာအရောင်းဆိုင်တွေက ဆိုကြပါတယ်။
နောက်ပြီး ကျောင်းသုံးသင်ရိုးကုန်အဖြေစုံစာအုပ်တအုပ်ကို တသောင်းရှစ်ထောင်ကျပ်မှနှစ်သောင်းကျပ်ထိရှိတယ်လိုလည်း စာရေးကရိယာအရောင်းဆိုင်တွေက ဆိုကြပါတယ်။
အာရက္ခအဆုံးအဖြစ်စစ်ပွဲစတင်ကတည်းက စစ်ကောင်စီတပ်ဟာ အာရက္ခဒေသရှိ ကုန်းလမ်း၊ ရေလမ်းအားလုံးကို ပိတ်ဆို့ကန့်သတ်ထားသလို ကုန်စည်စီးဆင်းမှုအားလုံးကိုလည်း တားမြစ်ကန့်သတ်ခံထားတာမို့ အာရက္ခတပ်တော်ထိ န်းချုပ်နယ်မြေတွေမှာ ကုန်းပစ္စည်းတွေရှားပါးစျေးကြီးနေပါတယ်။
အာရက္ခတပ်တော်ထိန်းချုပ်နယ်မြေတွေမှာ အာရက္ခပြည်သူ့တော်လှန်ရေးအစိုးအဖြစ် ပြည်သူ့ဝန်ဆောင်မှုတွေ ဆောင်ရွက်ပေးနေပြီး အာရက္ခအမျိုးသားပညာရေးဌာနကို ဖွဲစည်းပြီး အာရက္ခပြည်သူ့ကလေးတွေကို ပညာရေးဝန်ဆောင်မှုတွေ ဆောင်ရွက်ပေးနေပါတယ်။
