Border News Agency
မောင်တော၊ ဩဂုတ် ၆။
မောင်တောမြို့နယ်၊ သီဟိုဠ်အေးကျေး ရွာက အသက်တဆယ်ကျော်အရွယ်မောင်ထွန်းလှိုင်နဲ့ အသက်နှစ်ဆယ်ကျော်အရွယ်မောင်သန်းစိန်အတွက် ခြေတုအကူအညီလိုအပ်နေပါတယ်။
သူတို့နှစ်ဦးဟာ မြေမြုပ်မိုင်းနင်းမိလို့ ခြေထောက်တဖက်စီဖြတ်ထားရတာပါ။
မောင်ထွန်းလှိုင်ဟာ ပြီးခဲ့တဲ့မေလက သီဟိုဠ်သီးသွားခူးရာမှာမြေမြုပ်မိုင်းနင်းမိပြီး ခြေတောက်ပြတ်သွားတာလို့ မိသားစုဝင်တွေက ဆိုကြပါတယ်။
သူဟာအသက်ဆယ့်သုံးနှစ်သာရှိသေး တာမို့ ခြေထောက်တဖက်နဲ့ပညာဆက်သင်နေရပေမယ့် အခက်အခဲစိန်ခေါ်မှုတွေအများကြီးရှိနေတယ်လို့ ဆိုပါတ ယ်။
အဲဒါကြောင့်ခြေတုတဖက်အကူအညီလိုအပ်နေတယ်လို့ သူက ဆိုပါတယ်။
“ကျနော်လည်းပဲအရင်းလိုခြေထောက် ကောင်းတဲ့သူဖြစ်ချင်တာပါ့။ဒါပေမယ့်ခု ခြေထောက်ဆုံးရှုံးလိုက်ရတော့ကျနော့်မှာကျောင်းတက်ရတာ၊ရေချိုးတာ၊သွားရ၊လာရတာအဆင်မပြေပါဘူး။ကျနော်ဆုံးရှုံးလိုက်ရတဲ့ခြေထောက်အတွက်ခြေထောက်ခြေတုတဖက်လို ချင်ပါတယ်။ခြေတုရှိရင် ကျနော်အရင်လို သွားလာလှုပ်ရှားလို့ရပါပြီ။ခုကျနော့်အတွက်နဲ့ပဲ မိဘတွေသိပ်ပင်ပန်းကြပါတယ်။” လို့မြေမြုပ်မိုင်းကြောင့် ခြေထောက်တဖက်ဆုံးရှုံးလိုက်ရတဲ့ မောင်ထွန်းလှိုင်က Border News Agency ကို ပြောပါတယ်။
အဲဒီအပြင်အသက်နှစ်ဆယ်ကျော်အရွ ယ် မောင်သန်းစိန်ဟာ ပြီးခဲ့တဲ့လတွေက မိသားစုစားဝတ်နေရေးအတွက်ဝေသာလီကျေးရွာမှာနေချင်းပြန်အလုပ်သွားလုပ်လေ့ရှိတယ်လို့ သူက ဆိုပါတယ်။
သူဟာဝေသာလီမှာ တနေ့လုပ်အားခ သုံးသောင်းငါးထောင်နဲ့ကျောင်းအနီးကမြက်တွေကိုရှင်းနေချိန်မြေမြုပ်မိုင်းနင်းမိလို့ ခြေထောက်တဖက်ဆုံးရှုံးလို က်ရတယ်လို့ ဆိုပါတယ်။
သူ့ခြေထောက်တဖက်ဆုံးရှုံးလိုက်ရလို့မိသားစုစားဝတ်နေရေးအတွက် အလုပ်မလုပ်ပေးနိုင်တော့တာမို့ ခြေတုတဖက်လိုချင်တယ်လို့ ဆိုပါတယ်။
သူဟာ အရင်လို အလုပ်တွေဆက်လုပ်ချင်သေးတာမို့ ခြေတုတဖက်လိုအပ်နေတယ်လို့ ဆိုပါတယ်။
“ခုကျနော့်မှာ အကိုရှာကျွေးတဲ့ဟာနဲ့ပဲစားဝတ်နေရေးအဆင်ပြေသလိုရုန်းက န်းနေရပါတယ်။ကျနော်လည်းပဲကူညီချင်ပါတယ် အရင်းလိုဆန်၊ဆီး၊ဆားကအစလိုအပ်တဲ့ ဟာတွေကို ကျနော့်လုပ် အားနဲ့ဝယ်ပေးချင်ပါတယ်။ဒါပေမယ့်ကျနော့်မှာခြေထောက်တဖက်ဆုံးရှုံးခဲ့ရတဲ့အတွက်ဘာမှမလုပ်ပေးနိုင်ပါဘူး။ကျနော်ဆုံးရှုံးလိုက်ရတဲ့ ခြေထောက်အတွက် ခြေတုတဖက်လိုချင်ပါတယ်။ကူညီပေးကြပါလို့လည်း တောင်းဆိုချင်ပါတယ်။” လို့ မြေုမြုပ်မိုင်းကြောင့် ခြေထောက်တဖက်ဆုံးရှုံးလိုက်ရတဲ့ မောင်သန်းစိန်က Border News Agency ကို ပြောပါတယ်။
မောင်တောမြို့နယ်ကို ပြီးခဲ့တဲ့နှစ်ဒီဇင် ဘာလ ၈ ရက်နေ့က အာရက္ခတပ်တော်မှအပြီးသတ်သိမ်းပိုက်ထိန်းချုပ်ထားပြီး အာရက္ခတပ်တော်က မိုင်းရှင်းရေးတွေ ပြုလုပ်နေတယ်လို့ ဆိုပါတယ်။
ဒါပေမယ့် စစ်ကောင်စီထောင်ထားတဲ့မြေမြုပ်မိုင်းတွေနေရာအနှံ့ရှိနေတာမို့ မိုင်းရှင်းလင်းရေးတွေပြုလုပ်ဖို့လိုအပ်နေသေးတယ်လို့ မောင်တောဒေသခံတွေက ဆိုကြပါတယ်။
“ULA/AAကမိုင်းတွေရှင်းပေးတယ်။ဒါပေမယ့် မိုင်းတွေရှိသေးတာကြောင့် လူတွေသေဆုံး၊ ဒဏ်ရာရနေကြတယ်။အဲဒါကြောင့် နောက်ထပ်မိုင်းရှင်းလင်းပေးဖို့လိုအပ်ပါတယ်။နောက်ပြီး ရွာ သားတွေနေတဲ့ရွာအနီးအနားနဲ့မြို့ပတ် ပတ်လည်မှာလည်းပဲမိုင်းတွေဆက်ရှိနေသေးတယ်။ဒီလိုမျိုးကျနော်တို့ရွာ သားတွေ မိုင်းကြောင့် ဒုက္ခတိဖြစ်သွားရတဲ့အပေါ်မှာ ကျနော်လည်းအများကြီးစိတ်မကောင်းဖြစ်ရပါတယ်။အဲဒါကြောင့် အကူအညီပေးကြဖို့တောင်းဆိုချင်ပါတယ်။” လို့ သီဟိုဠ်အေးရွာသားတဦးက Border News Agency ကိုပြောပါတယ်။
အဲဒီလိုတောတောင်တွေကိုမှီခိုပြီး စားဝတ်နေရေးဖြေရှင်းနေရတဲ့ပြည်သူတွေဟာ နေ့စဥ်နဲ့အမျှမြေမြှပ်မိုင်းအန္တာရာယ် ကိုစိုးရိမ်နေကြရပြီး တချို့မှာမိုင်းအန္တရာယ်ကြောင့် အသက်အန္တာရာယ်ရှိနေတာကို သိနေပေမယ့် ဟင်းရှာ၊ငါးရှာရင်း သေဆုံး၊ဒဏ်ရာရသူတွေလည်းအများကြီးရှိနေတယ်လို့ပြည်သူတွေကဆိုကြပါတယ်။
အာရက္ခတပ်တော်ဟာ သူတို့ထိန်းချုပ်ထားတဲ့မြို့နယ်တွေမှာ မိုင်းရှင်းလင်းရေးတွေလုပ်ဆောင်နေပေမယ့် အရပ် သားပြည်သူတွေကတော့ မြေမြုပ်မိုင်းအန္တရာယ်တွေ၊စစ်ကျန်လက်နက်အန္တ ရာယ်တွေကိုလည်းမကြာခဏကြုံတွေ့နေကြရသလို မြေမြုပ်မိုင်းကြောင့် သေဆုံးဒဏ်ရာရထိခိုက်တာတွေ မကြာခ ဏဖြစ်နေကြတယ်လို့ ပြည်သူတွေကဆိုကြပါတယ်။
အဲဒါကြောင့် စစ်ဘေးရှောင်တွေအပါ အဝင် အရပ်သားပြည်သူတွေဟာ စားဝတ်နေရေးအခက်အခဲတွေ ကြုံတွေနေကြရသလို ဘေးကင်းလုံခြုံ ရေးဆိုင်ရာစိန်ခေါ်မှုတွေကိုလည်း ကြုံတွေ့နေကြရတယ်လို့ ပြည်သူတွေက ဆိုကြပါတယ်။
အဲဒီအပြင်မြေမြုပ်မိုင်းတွေ၊ စစ်ကျန်လက်နက်အန္တရာယ်တွေကိုလည်း စိုးရိမ်နေကြရသေးတာမို့ အာရက္ခတပ်တော်အပါအဝင် နိုင်ငံတကာအသိုင်းအဝိုင်းက ကူညီမိုင်းရှင်းပေးကြစေချင်တယ်လို့ ပြည်သူတွေက ဆိုကြပါတယ်။
