Border News Agency
နေပြည်တော်၊ မေ ၄။
မြန်မာနိုင်ငံဟာတရုတ်နိုင်ငံအပါအဝင် ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) အဖွဲ့ဝင်နိုင်ငံတွေနဲ့ စက်မှုနဲ့ရင်းနှီးမြှုပ်နှံမှုကဏ္ဍတွေမှာ အပြန်အလှန် ပူးပေါင်းဆောင်ရွက်သွားမယ်လို့ တရုတ်နိုင်ငံဆိုင်ရာ မြန်မာသံအမတ်ကြီး ဦးဇော်ဝင်းမြင့်က ပြောပါတယ်။
အဲဒီ တရုတ်နိုင်ငံ၊နင်ဘိုမြို့မှာ ဧပြီလကုန်ပိုင်းကပြုလုပ်တဲ့ရေရှည်တည်တံ့တဲ့ ဖွံ့ဖြိုးတိုးတက်ရေးဖိုရမ်မှာ သံအမတ်ကြီးက အခုလို ထည့်သွင်းပြောကြားခဲ့တာပါ။
မြန်မာနိုင်ငံအနေနဲ့ ပြန်လည်ပြည့်ဖြိုးမြဲစွမ်းအင်နဲ့ သဘာဝပတ်ဝန်းကျင် ထိန်းသိမ်းရေးလုပ်ငန်းတွေမှာ အဓိကမိတ်ဖက်ဖြစ်တဲ့ တရုတ်နိုင်ငံနဲ့ ပူးပေါင်းဆောင်ရွက်သွားဖို့ ရှိနေပါတယ်။
ဒါ့အပြင် SCO အဖွဲ့ဝင်နိုင်ငံတွေနဲ့ သန့်ရှင်းတဲ့စွမ်းအင်၊ စိုက်ပျိုးရေးနဲ့ ကာဘွန်လျှော့ချရေး လုပ်ငန်းတွေမှာလည်း အတူတကွ လက်တွဲလုပ်ဆောင်ဖို့ အသင့်ရှိနေတယ်လို့ ဆိုပါတယ်။
ရှေ့ဆက်ပြီး စက်မှုနဲ့ ရင်းနှီးမြှုပ်နှံမှုကဏ္ဍတွေမှာ ဒေသအလိုက် ပူးပေါင်းဆောင်ရွက်မှုတွေ တိုးမြှင့်လုပ်ဆောင်သွားမယ်လို့ သံအမတ်ကြီးက ပြောကြားခဲ့ပါတယ်။
