Border News Agency
ချင်းမိုင်၊ဇူလိုင် ၆။
မြန်မာပြည်ထဲကတရုတ်သတ္တုတွင်းတွေကြောင့် ကုတ်မြစ်ညစ်ညမ်းနေတာကို အရေးယူပေးဖို့ တရုတ်သမ္မတဆီစာပို့မယ့်ထိုင်းအရပ်ဘက်အဖွဲ့ကိုချင်းမိုင်မြို့က ရဲအင်အားတရာကျော်က အင်အားသုံးပြီး တားဆီးခဲ့ပါတယ်။
အဲဒီလို အတင်းအကြပ် တွန်းဖယ်တားဆီးတာကြောင့် ဆန္ဒပြပွဲမှာပါတဲ့ပြည်သူနှစ်ဦး လက်ကျိုးဒဏ်ရာ ရသွားခဲ့ပါတယ်။
သတ္တုတွင်းတွေကြောင့် ကုတ်မြစ်တလျှောက် ခဲနဲ့ ပြဒါးဆိပ်တွေသင့်ပြီး ရွာပေါင်းခြောက်ဆယ်က ရေလုပ်ငန်းတွေ၊စိုက်ပျိုးမြေ ဧကတသိန်းတသောင်းကျော်နဲ့ ချင်းရိုင်းမြို့က လူဦးရေ တသိန်းနှစ်သောင်းကျော်ရဲ့ သောက်သုံးရေတွေ ထိခိုက်နေတယ်လို့ ဆန္ဒပြအဖွဲ့က ထောက်ပြထားပါတယ်။
ဆန္ဒပြအဖွဲ့ကတရုတ်အစိုးရအနေနဲ့ သူတို့ကုမ္ပဏီတွေကို ထိန်းကျောင်းပေးဖို့ တောင်းဆိုခဲ့ကြပြီး ရဲတပ်ဖွဲ့က အလွန်အကျွံ အင်အားသုံးခဲ့တာကိုလည်း ချင်းမိုင်ရဲစခန်းမှာ အမှုဖွင့်တိုင်တန်းထားပါတယ်။
