Border News Agency
ဘယ်လာရုစ်၊ဩဂုတ် ၂၁။
အာဏာသိမ်းစစ်ခေါင်းဆောင်ရဲ့ ဘယ်လာရုစ်ခရီးစဉ်မှာလိုက်ပါလာတဲ့ ကျန်းမာရေးဝန်ကြီးဒေါက်တာသက်ခိုင်ဝင်းဟာ ဘယ်လာရုစ်ကျန်းမာရေးဝန်ကြီး Mr. Aliaksandr Khajayeu နဲ့ ဩဂုတ်လ ၂၀ ရက်၊ညနေပိုင်းမှာ Belarusian State Medical University မှာ တွေ့ဆုံခဲ့ပါတယ်။
အဲဒီတွေ့ဆုံစဉ် နှစ်နိုင်ငံကြားကျန်းမာရေးဆိုင်ရာကဏ္ဍတွေမှာ ပူးပေါင်းဆောင်ရွက်ဖို့ ကိစ္စတွေကိုဆွေးနွေးခဲ့ကြတာပါ။
ဆွေးနွေးပွဲအပြီးမှာဝန်ကြီးနှစ်ဦးဟာ ဆေးတက္ကသိုလ်အတွင်းကျောင်းသားတွေ ပညာသင်ကြားနေတာကို လှည့်လည်ကြည့်ရှုခဲ့ကြပါတယ်။
မင့်စ်ခ်မြို့မှာရှိတဲ့ အဲဒီဆေးတက္ကသိုလ်ဟာ ကမ္ဘာ့ကျန်းမာရေးအဖွဲ့ (WHO) အသိအမှတ်ပြု ဆေးကျောင်းတခုဖြစ်ပြီး နိုင်ငံတကာကျောင်းသားတွေကို အင်္ဂလိပ်ဘာသာနဲ့ ဆေးပညာရပ်တွေသင်ကြားပေးနေတဲ့ကျောင်းဖြစ်ပါတယ်။
