Border News Agency
ဝီရဌာနီ၊ အောက်တိုဘာ ၂၁။
အာရက္ခတပ်တော်(AA)ထိန်းချုပ်ထားတဲ့ ဝီရဌာနီမြို့နယ်ကိုအောက်တိုဘာလ ၂၀ ရက် ညပိုင်းမှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားနှစ်ဦးသေဆုံးပြီးခြောက်ဦးဒဏ်ရာရသွားခဲ့ပါတယ်။
အဲဒီပြားသူကြွယ်ရွာ၊ မြို့ပေါ်ရပ်ကွက်တွေနဲ့ လက်ပံပြားရွာတွေကို ည ၉ နာရီခွဲအချန်ကစလို့ အာဏာသိမ်းစစ်တပ်က Y-12 နဲ့လေကြောင်းတိုက်ခိုက်ခဲ့တာပါ။
အဲဒီလိုတိုက်ခိုက်ခဲ့ကြောင့် ပြားသူကြွယ်ရွာမှ အသက်သုံးဆယ်ခုနှစ်နှစ်အရွယ် ဒေါ်ခင်ရွှေဦးနဲ့ အသက်လေးဆယ်နှစ်နှစ်အရွယ်အရွယ် ဦးနိုင်ဝင်းတို့ သေဆုံးခဲ့ပါတယ်။
အဲဒီအပြင်မြို့ပေါ်ရပ်ကွက်နဲ့ ကျေးရွာတွေက အရပ်သား ခြောက် ဦးလည်းဒဏ်ရာ ရရှိခဲ့တာ ဖြစ်ပါတယ်။
ဝီရဌာနီမြို့နယ်၊ ဒါးကိုင်တောင်တန်း ၊ ပိန္နဲချောင်းတောင်တန်းနှင့် ငပြီကျွန်းကျေးရွာကို အောက်တိုဘာလ ၂၀ ရက်၊ ည ၉နာရီခွဲအချိန်ခန့်ကလည်း အာဏာသိမ်းစစ်တပ်လေကြောင်းတိုက်ခိုက်ခဲ့ပါသေးတယ်။
ပြီးခဲ့တဲ့အောက်တိုဘာလ ၁၁ရက်နေ့ကလည်း ဝီရဌာနီမြို့ အမှတ် ၃ ရပ်ကွက်ကို စစ်တပ်လေကြောင်းတိုက်ခိုက်လို့ ဆယ်ကျော်သက်အရွယ် ကလေးငယ်နှစ်ဦးအပါအဝင် အရပ်သားလေးဦးဒဏ်ရာရရှိခဲ့ပါတယ်။
