Border News Agency
မောင်တော၊ စက်တင်ဘာ ၁၂။
အာရက္ခတပ်တော်(AA)ထိန်းချုပ်ထားတဲ့အာရက္ခ-ဘင်္ဂလာနယ်စပ်၊မောင်တောမြို့ပေါ်ရှိ မြို့မဗလီကြီးကို စက် တင်ဘာလ ၁၂ ရက်၊ ဒီနေ့မနက်က အာရက္ခပြည်သူ့တော်လှန်ရေးအစိုးရဖွင့်ပေးလိုက်ပြီလို့ မောင်တောမြို့ခံတွေကအတည်ပြုပြောကြပါတယ်။
အဲဒီဗလီကြီးဖွင့်ပွဲကို အာရက္ခပြည်သူ့တော်လှန်ရေးအစိုးရတာဝန်ရှိသူတွေ၊ မောင်တောခရိုင်ရှိအစ္စလာမ်ဘာသာရေးဆရာတွေ၊မွတ်ဆလင်ရေးရာကော်မတီဝင်တွေတက်ရောက်ကြတယ်လို့မွတ်ဆလင်တွေက ဆိုကြပါတယ်။
“စစ်တပ်က ၁၃ နှစ်ကြာပိတ်ထားခဲ့တဲ့ဗ လီကြီးကို ဒီနေ့ဖွင့်ပေးလို့ ULA/AA ကိုကျေးဇူးတင်ပါတယ်။” လို့ မောင်တောမြို့မှမွတ်ဆလင်တဦးက Border News Agency ကို ပြောပါတယ်။
အဲဒီဗလီကြီးကို စစ်ကော်မရှင်အရာရှိကြီးတွေနဲ့မူးယစ်ဆေးဝါးလုပ်ခဲ့တယ်လို့နာမေကြီးသူနီရာမောက်လ်ကဦးဆောင်ဖွင့်ခဲ့တာဖြစ်ပြီး နိုင်ငံတကာဖိအားတွေ၊ငွေကြေးတွေကြောင့်ဖွင့်ပေးလိုက်တာလို့ မောင်တောမြို့နေပြည်သူတွေ ဆိုကြပါတယ်။
အဲဒီမြို့မဗလီကြီးကို ၂၀၁၂ ပဋိပက္ခဖြစ်ပြီနောက်ပိတ်ထားခဲ့ပေမယ့် ပြီးခဲ့တဲ့နှစ်၊မောင်တောမြို့သိမ်းတိုက်ပွဲစတ င်လာချိန်မှာ စစ်ကော်မရှင်တပ်ကပြန် လည်ဝင်ရောက်ဝတ်ပြုခွင့်ပြုခဲ့ပါတယ်။
ဒါပေမယ့် အာရက္ခတပ်တော်ရဲ့မောင်တောမြို့သိမ်းတိုက်ပွဲထိုးစစ်ပြင်းထန်လာချိန်မှာမြို့ပေါ်နေပြည်သူအားလုံးစစ်ဘေးရှောင်ထွက်ပြေးခဲ့ကြရပါတ ယ်။
အဲဒီမောင်တောမြို့နယ်တခုလုံးကို ပြီးခဲ့တဲ့ ၂၀၂၄ ခုနှစ်၊ဒီဇင်ဘာလ ၈ ရက်နေ့က အာရက္ခတပ်တော်မှအပြီးသတ်သိမ်းပိုက်ထိန်းချုပ်နိုင်ခဲ့ပြီးနောက် မြို့ပေါ်နေပြည်သူတွေကို ပြန်လည်ဝင်ရော က်နေထိုင်ခွင့်ပြုခဲ့ပါတယ်။
အဲဒီမောင်တောမြို့ပေါ်မှာအရပ်သားပြ ည်သူတွေပြန်လည်ဝင်ရောက်နေထိုင်ပြီးနောက် ၁၃ နှစ်ကြာပိတ်ထားတဲ့ဗလီကြီးကို အခမ်းအနားတွေနဲ့ဖွင့်ပေးလိုက်တာဖြစ်ပါတယ်။
၂၀၁၂ ပဋိပက္ခတုန်းက အဲဒီဗလီကြီးကသောကြာနေ့ဝတ်ပြုဆုတောင်းပြီးထွာက်လာကြတဲ့လူအုပ်စုကြီးဟာ အကြမ်းဖက်မှုတွေကျူးလွန်ခဲ့ကြတာမို့ မောင်တောဒေသခံလူနည်းစုတွေအပါအဝင်ဒေသခံပြည်သူတွေကတော့ စိုးရိမ်စိတ်တွေရှိနေသေးတယ်လို့ ဆိုကြပါတယ်။
အဲဒီအပြင် ရိုဟင်ဂျာအမည်ခံလက်နက်ကိုင်အကြမ်းဖက်သမားတွေဟာ မောင်တောနယ်စပ်မှာအကြမ်းဖက်မှုတွေမ ကြာခဏကျူးလွန်နေကြသလို မောင်တောခရိုင်မှာဝင်ရောက်လှုပ်ရှားနေကြတာမို့ သတိထားနေထိုင်နေကြရတယ်လို့ မောင်တောဒေသခံတွေက ဆိုကြပါတယ်။
အာရက္ခ-ဘင်္ဂလာနယ်စပ်၊မောင်တောမြို့အပါအဝင်တဆယ့်ငါးမြို့နယ်ကိုအာရက္ခတပ်တော်သိမ်းပိုက်ထိန်းချုပ်ထားပြီးအာရက္ခပြည်သူ့တော်လှန်ရေးအစိုးရအဖြစ် အုပ်ချုပ်ရေးယန္တရားတွေဖော်ဆောင်နေပါတယ်။
အဲဒီအာရက္ခပြည်သူ့တော်လှန်ရေးအစိုးရမှာ မွတ်ဆလင်ရေးရာကော်မတီတွေ၊မွတ်ဆလင်ဂျူရီလူကြီးအဖွဲ့တွေဖွဲ့ပြီး မွတ်ဆလင်အရေးကိစ္စတွေကို ဆောင်ရွက်ပေးနေတယ်လို့ ပြည်သူတွေက ဆိုကြပါတယ်။
