Border News Agency
စစ်ကိုင်း၊ ဒီဇင်ဘာ ၂၈ ။
စစ်ကိုင်းတိုင်း၊ မြောင်မြို့ပေါ်ရှိ ဗိုလ်ချုပ်အောင်ဆန်းကြေးရုပ်တုရှေ့မှာ စစ်ကော်မရှင်တပ်ပြုလုပ်နေတဲ့ ရွေးကောက်ပွဲကို ဆန့်ကျင်ကြောင်း ပိုစတာဆိုင်းဘုတ်တွေထောင်ခဲ့တယ်လို့ မြောင်မြို့နယ် လူထုသပိတ်တိုက်ပွဲ ဦးဆောင်ကော်မတီက ဒီဇင်ဘာလ ၂၇ ရက်၊ မနေ့က ထုတ်ပြန်ပါတယ်။
မြောင်မြို့ပေါ်မှာ ဒီဇင်ဘာလ ၂၇ ရက်နေ့က ဗိုလ်ချုပ်ကြေးရုပ်ရှေ့မှာ “အတုအယောင်ရွေးကောက်ပွဲ မဲမပေးကြေး”ဆိုတဲ့ စာသားပါဆိုင်းဘုတ်ကိုထောင်ခဲ့တာပါ။
အဲဒီအပြင် မြို့အဝင်ဆိုင်းဘုတ်ရှေ့မှာလည်း သပိတ်ကော်မတီဝင်တွေနဲ့ ပြည်သူ့ကာကွယ်ရေးရဲဘော်တွေရဲ့လှုပ်ရှားမှုမှတ်တမ်းကိုပါ ထုတ်ပြန်ခဲ့ကြပါတယ်။
အဲဒီလှုပ်ရှားမှုကို မြောင်မြို့နယ်လူထုသပိတ်တိုက်ပွဲဦးဆောင်ကော်မတီမှ ပြုလုပ်ခဲ့တာဖြစ်ပြီး၊ Blood Brother နဲ့ MRF ဒေသကာကွယ်ရေးတပ်ဖွဲ့တို့က လုံခြုံရေးယူပေးကာ ဝန်းရံ ခဲ့ကြတယ်လို့ဆိုပါတယ်။
