၇၈ ကြိမ်မြောက် ချင်းအမျိုးသားနေ့ အခမ်းအနားကို ချင်းကာကွယ်ရေးတပ်-အရှို (CDF-Asho) နဲ့အရှိုချင်းကာကွယ်ရေးတပ် (ACDF) တို့ ပူးပေါင်းပြီး CDF-Asho ရဲ့ နောက်တန်းစခန်းတခုမှာဖေဖော်ဝါရီလ၂၀ ရက်နေ့က ကျင်းပခဲ့ပါတယ်။
အဲဒီအခမ်းအနားမှာ ချင်းအမျိုးသားအလံတော်နဲ့ ကျဆုံးသွားတဲ အာဇာနည်သူရဲကောင်းတွေကို အလေးပြုခဲ့ကြသလို အဖွဲ့နှစ်ဖွဲ့ရဲ့ ပူးတွဲသဘောထား ထုတ်ပြန်ချက်ကိုလည်း ဖတ်ကြားခဲ့ကြပါတယ်။
အဲဒီအပြင် တက်ရောက်လာတဲ့ မဟာမိတ်တပ်ဖွဲ့ဝင်တွေကို CDF-Asho နဲ့ ACDF က ရဲဘော်၊ စစ်မေတွေက ချင်းရိုးရာဝါးညှပ်အကတွေ၊ တေးသီချင်းတွေနဲ့ ဧည့်ခံဖျော်ဖြေခဲ့ကြပါတယ်။
ဒီပွဲဟာ ချင်းအမျိုးသားရေးကို ရှေးရှုပြီး တော်လှန်ရေးအဖွဲ့အစည်းတွေကြား စည်းလုံးညီညွတ်မှုကို ပြသဖို့ ရည်ရွယ်ကျင်းပတာဖြစ်တယ်လို့ သိရပါတယ်။
