Border News Agency
နီပေါ၊ မတ် ၈။
နီပေါနိုင်ငံရဲ့စက်တင်ဘာဂျင်ဇီတော် လှန်ရေးက နိုင်ငံရေးမှာ စွမ်းရည်မဲ့နေသူတွေအပေါ်လူထုရဲ့ဒေါ်သထွက်မှုကိုထင်သာမြင်သာဖြစ်စေခဲ့ပါတယ်။
အဲဒီဒေါသကြောင့်ပဲ နီပေါရဲ့တော်လှန် ရေးသမားဟောင်းကြီးလည်းဖြစ် ဝန်ကြီးချုပ်ရာထူး သုံးကြိမ်ထမ်းဆောင်ခဲ့သူလည်းဖြစ်တဲ့ကေပီရှာမာ အိုလီ( K. P. Sharma Oli)ဟာ လူငယ်နိုင်ငံရေးသမား ဘာလင်ရှား(Balen Shah)ကို ရှုံးခဲ့တာလည်းဖြစ်ပါတယ်။
အဲဒီဝန်ကြီးချုပ်ဟောင်းကေပီရှာမာအိုလီဝင်ပြိုင်ခဲ့တဲ့ဂျာပါ(Jhapa)အမှတ် ၅ မဲဆန္ဒနယ်မြေမှာဟာ သူရဲ့နိုင်ငံရေးဘူ မိနက်သန်မြေလို့လည်း ပြောလို့ရပါတယ်။
ဂျာပါအမှတ် ၅မဲဆန္ဒနယ်ဟာ နီပေါကွန်မြူနစ်ပါတီ အားကောင်းတဲ့ကိုရှီနယ်မြေ(Koshi Province)ထဲမှာ ရှိတာပါ။
အဲဒီကိုရှီနယ်မြေထဲမှာ နီပေါကွန်မြူနစ်ပါတီနဲ့အိုလီကို ယှဥ်နိုင်သူမရှိခဲ့ပါဘူး။
ဝန်ကြီးချုပ်ဟောင်းအိုလီကလည်း သူရဲ့နိုင်ငံရေးဖြတ်သန်းမှု ၅၅ နှစ်ထဲမှာ ကိုရှီနယ်မြေကို ခြေကုတ်ယူပြီး ရွေး ကောက်ပွဲပေါင်းများစွာကို ဖြတ်သန်းအနိုင်ရလာသူလည်းဖြစ်ပါတယ်။ခုတော့ ဒါတွေဟာ ပုံပြင်ဆန်ခဲ့ပါပြီ။
Rap အဆိုတော်၊ ဆောက်လုပ်ရေးအင်ဂျင်နီယာ
ဝန်ကြီးချုပ်ဟောင်းအိုလီကို သူ့အိမ်ကွင်းမှာပဲ ရှုံးစေခဲ့တဲ့ပြိုင်ဖက်ဟာအသ က် ၃၅ နှစ်အရွယ်ဘာလင်ရှားပါ။
သူ့အမည်အပြည့်အစုံက ဘာလင်ဒရာ ရှား(Balendra Shah)ပါ။ သူဟာ Rap အဆိုတော်လည်းဖြစ်သလို အင်ဂျင်နီ ယာလည်းဖြစ်ပါတယ်။
၂၀၂၂ ခုနှစ်မှာ သူဟာ ခတ္တမန္ဒူရဲ့ မြို့ တော်ဝန်ဖြစ်လာခဲ့ပါတယ်။
ဘာလင်လှိုင်း(Balen Wave)လွှမ်းခဲ့ပြီ
ဘာလင်ရှားရဲ့ ဝန်ကြီးချုပ်ဟောင်း အိုလီကို အနိူင်ရမှုက နီပေါဂျင်ဇီတွေကို လမ်းပေါ်ထွက်ပြီး အောင်ပွဲခံစေခဲ့ပါတယ်။
ရာစထရိယဆွာတန်တရပါတီ ( Rastriya Swatantra Party) ရဲ့ အပြာရောင်အလံ တွေက လွှင့်ပျံစေခဲ့ပါတယ်။
ဘာလင်ဘာဘူတဲ့လား
စက်တင်ဘာဂျင်ဇီတော်လှန်ရေးနောက်မှာလူထုကို တောင်းပန်မှုနဲ့ နိုင်ငံရေးမှ အနားယူမှုကို ဝန်ကြီးချုပ်ဟောင်း အိုလီပြုခဲ့ပါတယ်။
ဒါက သူကို ဂုဏ်သိက္ခာရှိစေခဲ့ပါသေးတယ်။
အဲဒီအချက်ကြောင့်ပဲ ညီညွတ်သောမက်စ်လီနင်အုပ်စု(UML)ပြန်လည် မှတ်ပုံတင်ခွင့် ရခဲ့ပါတယ်။
အိုလီတို့အုပ်စုမှာမျှော်လင်ချက်အနည်းငယ်နဲ့အနိုင်ရမှုက ရွေးကောက်ပွဲအ တွက် အကျိုးရှိခဲ့ပုံရပါတယ်။
ဒါပေမယ့် ခုတော့ ဝန်ကြီးချုပ်ဟောင်း အိုလီဟာအရှုံးကိုသဘောပေါက်သွားပါ ပြီ။စနေ့နေ့မှာ အိုလီက “ဘာလင်ဘာဘူ” (Balen Babhu) ဆိုပြီး ဘာလင်ရှားရဲ့ အောင်မြင်မှုကို ဂုဏ်ပြုပေးခဲ့ပြီးလာမယ့်ငါးနှစ်မှာ အကောင်းဆုံးဖြစ်ဖို့ ဆုတောင်းပေးခဲ့ပါတယ်။
လက်ရှိမှာတော့ နီပေါဟာ ကတိကဝတ်အသစ်တွေနဲ့ မျှော်လင့်ချက်တွေ နိုးထနေပါတယ်။
ကိုးကား
