Border News Agency
နေပြည်တော်၊ နိုဝင်ဘာ ၁၂။
မြန်မာ-ထိုင်း နှစ်နိုင်ငံနယ်စပ်လုံခြုံရေးနဲ့ ကုန်သွယ်မှုမြှင့်တင်ရေးအပါအဝင် နှစ်နိုင်ငံပူးပေါင်းဆောင်ရွက်ရေးဆိုင်ရာကို နိုဝင်ဘာလ ၁၂ ရက်နေ့က ဆွေးနွေးခဲ့ကြပါတယ်။
နေပြည်တော်မှာ အာဏာသိမ်းစစ်ခေါင်းဆောင်မင်းအောင်လှိုင်ဆီ ထိုင်းနိုင်ငံ၊ ဒုတိယဝန်ကြီးချုပ်နဲ့ နိုင်ငံခြားရေးဝန်ကြီး H.E. Mr. Sihasak Phuangketkeow ဦးဆောင်တဲ့ ကိုယ်စားလှယ်အဖွဲ့ဟာ နိုဝင်ဘာလ ၁၂ ရက်နေ့က လာရောက်ဆွေးနွေးခဲ့တာပါ။
အဲဒီနှစ်နိုင်ငံကြားအိမ်နီးချင်းမိတ်ဆွေကောင်းနိုင်ငံတွေအဖြစ် ချစ်ကြည်ရင်းနှီးမှုနဲ့ ပူးပေါင်းဆောင်ရွက်မှုတွေတိုးတက်မှု၊အာဆီယံအဖွဲ့ဝင်နိုင်ငံတွေကြား အပြုသဘောဆောင်တဲ့ပူးပေါင်းဆောင်ရွက်သွားမှာကို ဆွေးနွေးခဲ့ပါတယ်။
အဲဒီအပြင် အွန်လိုင်းလိမ်လည်မှုနဲ့ လောင်းကစားမှုတွေတိုက်ဖျက်ရေး၊ သဘာဝပတ်ဝန်းကျင်ထိန်းသိမ်းရေးဆိုင်ရာကိုလည်း ဆွေးနွေးခဲ့ပါတယ်။
နောက်ပြီး စွမ်းအင်ကဏ္ဍပူးပေါင်းဆောင်ရွက်ရေး၊ မြန်မာနိုင်ငံရဲ့ ပြည်တွင်းငြိမ်းချမ်းရေးလုပ်ငန်းစဉ်တွေနဲ့ ထိုင်းရောက်မြန်မာရွှေ့ပြောင်းအလုပ်သမားတွေရဲ့ အခွင့်အရေးနဲ့ ဘေးကင်းလုံခြုံရေးဆိုင်ရာကိစ္စရပ်တွေကိုလည်း ဆွေးနွေးခဲ့ကြပါတယ်။
