Border News Agency
ကော့စ်ဘဇား၊ နိုဝင်ဘာ ၁၂။
ဘင်္ဂလားဒေ့ရှ်နိုင်ငံ၊ ကော့စ်ဘဇားမြို့ရှိ ရိုဟင်ဂျာဒုက္ခသည်စခန်းတွေသို့ Plan International ရဲ့ အမှုဆောင်အရာရှိချုပ် ရီနာ ဂယ်လာနီ (Reena Ghelani) ဟာ နိုဝင်ဘာလ ၁၂ ရက်နေ့က သွားရောက်ကာ လူသားချင်းစာနာထောက်ထားမှုဆိုင်ရာ တုံ့ပြန်ဆောင်ရွက်မှုအခြေအနေတွေကို ကြည့်ရှုလေ့လာခဲ့ပါတယ်။
အဲဒီခရီးစဉ်အတွင်း နေရပ်စွန့်ခွာတိမ်းရှောင်နေရတဲ့ ကာလရှည်ကြာမှုအောက်မှာ ကြီးပြင်းလာရတဲ့ ရိုဟင်ဂျာ ကလေးငယ်တွေရဲ့ပညာသင်ကြားခွင့်နဲ့ အကာအကွယ်ရရှိရေး အခက်အခဲတွေအပြင် သဘာဝဘေးအန္တရာယ်နဲ့ရာသီဥတုပြောင်းလဲမှုကြောင့် ကြုံတွေ့နေရတဲ့ စိန်ခေါ်မှုတွေကို တိုက်ရိုက်နားထောင် ဆွေးနွေးခဲ့တာပါ။
အဲဒီအပြင် Plan International ရဲ့ DURBAAR စီမံချက်မှ ဘင်္ဂလားဒေ့ရှ် လူငယ်မိန်းကလေး တက်ကြွလှုပ်ရှားသူတွေနဲ့လည်း တွေ့ဆုံကာ ရာသီဥတုဆိုင်ရာ မူဝါဒနဲ့ ဆုံးဖြတ်ချက်ချမှတ်မှုတွေနှာမိန်းကလေးငယ်တွေပါဝင်နိုင်ရေး ကိစ္စတွေကို အဓိကထား ဆွေးနွေးခဲ့ကြပါတယ်။
ပဋိပက္ခနဲ့ ရာသီဥတုပြောင်းလဲမှုဆိုင်ရာ ထပ်ဆင့်စိန်ခေါ်မှုတွေဟာ မိန်းကလေးငယ်တွေအတွက် အကာအကွယ်မဲ့မှုနဲ့ပညာသင်ကြားခွင့် ကန့်သတ်ခံရမှုတွေအပြင် အရွယ်မတိုင်မီ လက်ထပ်ထိမ်းမြားရမယ့်အန္တရာယ်ကိုပါ မြင့်တက်စေနိုင်ကြောင်း ထောက်ပြထားပါတယ်။
အဲဒါကြောင့် ကလေးသူငယ်အခွင့်အရေး ကာကွယ်စောင့်ရှောက်ဖို့၊ ပညာရေးအခွင့်အလမ်းတွေတိုးချဲ့ပေးဖို့နဲ့ သူတို့ရဲ့ ဘဝအပေါ် သက်ရောက်မှုရှိသော ဆုံးဖြတ်ချက်တွေမှာ လူငယ်တွေကိုယ်တိုင် ပါဝင်ခွင့်ရရှိရေး စုပေါင်းလုပ်ဆောင်ဖို့လိုအပ်ကြောင်း အဲဒီခရီးစဉ်က အလေးပေးဖော်ပြထားပါတယ်။
