Border News Agency
လန်ဒန်၊ မေ ၁၈။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အတွက် “Proof of Life Campaign” ကို လန်ဒန်မြို့ ပါလီမန်ရှေ့မှာ မေလ ၁၇ ရက်က ကျင်းပခဲ့ကြပါတယ်။
အဲဒီဆန္ဒပြပွဲကို ဒေါ်အောင်ဆန်းစုကြည်ရဲ့ သားငယ်ကိုထိန်လင်း၊ ယူကေနိုင်ငံဆိုင်ရာ NUG ကိုယ်စားလှယ် ဦးမောင်မောင်အောင်နဲ့ ဒေါက်တာသက်ကိုကို၊ ယူကေရောက်တိုင်းရင်းသားအဖွဲ့အစည်း ကိုယ်စားလှယ်တွေနဲ့ တော်လှန်ရေးမိသားစုများစုစုပေါင်းလူအင်အား ၄၀၀ ကျော် တက်ရောက်ခဲ့ကြပါတယ်။
အဲဒီဆန္ဒပြပွဲမှာ ဒေါ်အောင်ဆန်းစုကြည်ကို မိသားစုနဲ့တွေ့ဆုံခွင့်ပေးဖို့၊ ကျန်းမာကြောင်းနဲ့ သက်ရှိထင်ရှားရှိကြောင်း ယုံကြည်စိတ်ချရတဲ့ အထောက်အထားတွေပြသဖို့အတွက်ဖြစ်ပါတယ်။
အဲဒီအပြင်အာဏာသိမ်းစစ်တပ်ကို ယူကေအစိုးရနဲ့ နိုင်ငံတကာအသိုင်းအဝိုင်းကနေ ပြင်းပြင်းထန်ထန် ဖိအားပေးတောင်းဆိုပေးကြဖို့ ဝိုင်းဝန်းအရေးဆိုခဲ့ကြပါတယ်။
