Border News Agency
ထိုင်း၊ဩဂုတ် ၁၉။
ထိုင်းနိုင်ငံမြောက်ပိုင်း၊ နန်းခရိုင်မှာ သြဂုတ်လ ၁၉ ရက်၊ဒီနေ့မနက်က မိုးသည်းထန်စွာရွာသွန်းမှုကြောင့် နေရာအများအပြားမှာရေကြီးရေလျှံမှုတွေ ပြင်းထန်စွာဖြစ်ပွားနေပါတယ်။
ပါဝူးခရိုင်ခွဲ ၊ဘန်းကဲအိုကျေးရွာရှိနေအိမ်တအိမ်မှာ အသက်ခြောက်လအရွယ်ကလေးငယ်တဦးပိတ်မိနေတာကြောင့် ကယ်ဆယ်ရေးအဖွဲ့တွေဆီ အရေးပေါ် ကူညီပေးဖို့ဒေသခံတွေက ဆက်သွယ်အကူအညီတောင်းခံထားကြပါတယ်။
အဲဒီအပြင်ပွာခရိုင်အတွင်းမှာလည်း ရေစီးကြောင်းကြောင့်တံတားအောက်ရေပိုက်လိုင်း ကျိုးပေါက်ပျက်စီးသွားတာကြောင့် ဘန်းဆာလာ၊သီလာလင်းနဲ့ မွန်ကျေးရွာတို့ကို ဆက်သွယ်ထားတဲ့တံတားကို သွားလာတာမပြုကြဖို့လည်း သတိပေးထုတ်ပြန်ထားပါတယ်။
အဲဒီတောင်ကျရေတွေနဲ့အတူ ဒေသတွင်းရေထုဟာ ဒီထက်မမြင့်တက်လာနေတာကြောင့် ကူညီကယ်ဆယ်ရေးအဖွဲ့တွေနဲ့ တာဝန်ရှိသူတွေကရေဘေးသင့်သူတွေကို အရေးပေါ်ကူညီရွှေ့ပြောင်းပေးနိုင်ဖို့ လုပ်ဆောင်နေကြပါတယ်။
