Border News Agency
ကျောက်တော်၊ ဇူလိုင် ၂၈။
အာရက္ခတပ်တော်(AA)ထိန်းချုပ်ထားတဲ့ ကျောက်တော်မြို့နယ်ရှိ ငတရံရွာနဲ့ တောင်ပေါက်ရွာမှာ ငှက်ဖျားရောဂါအဖြစ်များနေတာကြောင့် အာရက္ခပြည်သူ့ကျန်းမာရေးဌာနက ကွင်းဆင်းစစ်ဆေးခဲ့ပါတယ်။
အဲဒီဌက်ဖျားရောဂါအဖြစ်များနေတဲ့ရွာတွေကို မြို့နယ်အရေးပေါ်တုံ့ပြန်ဆောင်ရွက်ရေးအဖွဲ့ (RRT) နဲ့ ငှက်ဖျားတိုက်ဖျက်ရေးအဖွဲ့တို့ ပူးပေါင်းပြီး ဇူလိုင်လ ၁၉ ရက်နဲ့ ၂၃ ရက်နေ့က ကွင်းဆင်းစစ်ဆေးခဲ့တာပါ။
ငှက်ဖျားသွေးစစ်ဆေးရာမှာ ငတရံရွာမှ တရာ့နှစ်ဆယ့်သုံးဦးထဲက လေးဆယ်တဦးနဲ့ တောင်ပေါက်ရွာမှ ကိုးဆယ်ခြောက်ဦးထဲကရှစ်ဦးမှာ ငှက်ဖျားပိုးစစ်ဆေးတွေ့ရှိခဲ့ရပါတယ်။
ရောဂါပိုးတွေ့ရှိသူတွေကို ဆေးဝါးကုသပေးသလို ကျေးရွာနှစ်ရွာသို့ တာရှည်ခံဆေးစိမ်ခြင်ထောင်တွေကိုလည်း အခမဲ့ထောက်ပံ့ပေးသွားမှာဖြစ်ပါတယ်။
အာရက္ခကျန်းမာရေးဌာနဟာ အခြားမြို့နယ်တွေမှာလည်း ဒေသခံတွေကို ငှက်ဖျားသွေးစစ်တာနဲ့ ကျန်းမာရေးအသိပညာပေးတာတွေကိုဆက်လုပ်နေပါတယ်။
