Border News Agency
ပုဏ္ဏားကျွန်း၊ ဇူလိုင် ၂၇။
ပုဏ္ဏားကျွန်းမြို့နယ်မှာ အသက်နှစ်ဆယ့်သုံးနှစ်အရွယ်အမျိုးသမီးတဦးကို မုဒိမ်းကျင့်သတ်ဖြတ်ခဲ့တဲ့ အမျိုးသားသုံးဦးကို ဇူလိုင်လ ၂၄ ရက်မှာ ဖမ်းဆီးရမိခဲ့တယ်လို့ တရားဥပဒေစိုးမိုးရေးနဲ့ ပြည်သူ့လုံခြုံရေးဌာနက ဇူလိုင်လ ၂၇ ရက်၊ ဒီနေ့ထုတ်ပြန်ပါတယ်။
ပြီးခဲ့တဲ့ဇူလိုင်လ ၁၈ ရက်နေ့ကအောင်ဆိပ်ရွာမှပျောက်ဆုံးနေတဲ့ အမျိုးသမီးရဲ့ရုပ်အလောင်းကို ဇူလိုင်လ ၂၂ ရက်၊ ညနေပိုင်းမှာ တန်းစွယ်-ကျော်ဇံရွာသွား လမ်းဘေး သရက်တောခြံအတွင်း လက်ထိတ်နောက်ပြန်ခတ်လျက်သားပုပ်ပွသေဆုံးနေတာကို ဒေသခံတွေကစတွေ့ခဲ့တာဖြစ်ပါတယ်။
အဲဒီပုဏ္ဏားကျွန်းမြို့နယ်၊ ဆင်အင်းကြီးရွာမှ အသက်သုံးဆယ်ခုနှစ်နှစ်အရွယ် မောင်တင်ဝင်းဟာ လူမှုရေးကိစ္စအကြောင်းပြကာ အသက်နှစ်ဆယ့်ကိုးနှစ်အရွယ်မောင်အေးကျော်၊ အသက်နှစ်ဆယ့်တစ်အရွယ်မောင်သန်းစိုးရဲ့အကူအညီနဲ့ လက်ထိတ်ခတ်ရိုက်နှက်သတ်ဖြတ်ကာ မုဒိမ်းပြုကျင့်ခဲ့တာဖြစ်ပါတယ်။
အဲဒီကျူးလွန်သူတရားခံသုံးဦးစလုံးကို ဖမ်းဆီးထိန်းသိမ်းထားပြီး ရာဇသတ်ကြီး ဥပဒေပုဒ်မ ၃၀၂ (လူသတ်မှု)၊ ပုဒ်မ ၃၇၆ (မုဒိမ်းမှု)နဲ့ထိရောက်စွာ အရေးယူနိုင်ဖို့ တရားစွဲဆိုရေးလုပ်ငန်းတွေလုပ်နေတယ်လို့ဆိုပါတယ်။
အဲဒီအပြင် ဒီလပ်ဌာနအနေနဲ့ ပြည်သူတွေလူသတ်မုဒိမ်းမှုတွေမှကင်းဝေးဖို့ ညဉ့်အချိန်လူဆိတ်တဲ့နေရာတွေကို တဦးတည်းမသွားကြဖို့နဲ့ သံသယဖြစ်ဖွယ် အခြေအနေတွေကို နီးစပ်ရာဌာနတွေသို့ ချက်ချင်းသတင်းပို့ကြဖို့ အသိပေးနှိုးဆော်ထားပါတယ်။
