Border News Agency
ဧရာဝတီ၊ဩဂုတ် ၁၇။
ဧရာဝတီတိုင်းဒေသကြီးအတွင်း ရေဘေးသင့်ခဲ့တဲ့ဒေသတွေသို့ အာဟာရဖြည့်အသင့်စားဘီစကွတ်တွေ စတင်ဖြန့်ဝေပေးနေပြီလို့ ကမ္ဘာ့စားနပ်ရိက္ခာအစီအစဉ် (WFP)က သြဂုတ်လ ၁၇ ရက်၊ ဒီနေ့ထုတ်ပြန်ပါတယ်။
အဲဒီဧရာဝတီတိုင်း၊ လေးမျက်နှာမြို့နယ်ရှိ ရပ်ကွက်ငါးခုနဲ့ကျေးရွာကိုးဆယ့်ရှစ်ရွာမှ လူဦးရေသုံးသောင်းနှစ်ထောင်ကျော် ရေဘေးသင့်ခဲ့ရတာဖြစ်ပါတယ်။
WFP အနေနဲ့ဒေသခံမိတ်ဖက်အဖွဲ့အစည်းတွေဆီ အာဟာရဖြည့်ဘီစကွတ်မက်ထရစ်တန်နှစ်ဆယ်ပေးပို့ထားပြီး လူဦးရေတသောင်းအတွက် အရေးပေါ်ရိက္ခာတွေပေးအပ်နေတယ်လို့ဆိုပါတယ်။
ခုလက်ရှိပဋိပက္ခ၊ နေရပ်စွန့်ခွာရမှုနဲ့ ကုန်ဈေးနှုန်းမြင့်တက်မှုတွေကြောင့် မြန်မာနိုင်ငံအတွင်း လူဦးရေဆယ့်နှစ်ဒသမလေးသန်းခန့် အစားအသောက်ခက်ခဲနေတယ်လို့ဆိုပါတယ်။
WFP ဟာ ရေဘေးသင့်ဒေသတွေရဲ့လိုအပ်ချက်တွေကို ဆက်လက်အကဲဖြတ်နေပြီး သွားလာခွင့်နဲ့ ရန်ပုံငွေရရှိမှုအပေါ် မူတည်ကာ ကူညီထောက်ပံ့မှုတွေတိုးချဲ့သွားမယ်လို့ဆိုပါတယ်။
