Border News Agency
ပုဏ္ဏားကျွန်း၊ ဇူလိုင် ၂၀။
အာရက္ခတပ်တော်(AA)ထိန်းချုပ်ထားတဲ့သုံးမြို့ကို ဇူလိုင်လ ၁၉ တရက်တည်းမှာ အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီမအီ၊ သံတွဲ၊ ပုဏ္ဏားကျွန်းစတဲ့သုံးမြို့နယ်ကို အာဏာသိမ်းစစ်တပ်လေကြောင်းတိုက်ခိုက်လို့ ငါးဦးသေဆုံးပြီးသံဃာတော်သုံးပါးအပါအဝင် လူနှစ်ဆယ်ခြောက်ဦးဒဏ်ရာရသွားပါတယ်။
အဲဒီတောင်ကုတ်မြို့နယ်၊ မအီမြို့၊ အမှတ် ၂ ရပ်ကွက်နဲ့အမှတ် ၃ ရပ်ကွက်ကို ဇူလိုင်လ ၁၉ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ ငါးဦးသေဆုံးပြီး သံဃာတော်တပါးအပါအဝင် နှစ်ဆယ်နှစ်ဦးဒဏ်ရာရသွားပါတယ်။
အဲဒီအပြင် သံတွဲမြို့ကို ဇူလိုင်လ ၁၉ ရ က်နေ့၊ ညနေ ၄ နာရီကျော်အချိန်က အာဏာသိမ်းစစ်တပ်လေကြောင်းတိုက်ခိုက်လို့ လေးဦးဒဏ်ရာရသွားပြီး နေအိမ်
တွေလည်း ပျက်စီးသွားပါတယ်။
နောက်ပြီးပုဏ္ဏားကျွန်းမြို့နယ်၊ တောင်ပေါက်ဘုန်းကြီးကျောင်းအနီးကို ဇူလိုင် လ ၁၉ ရက်နေ့၊ ညနေ ၆ နာရီကျော်အချိန်ခန့်က အာဏာသိမ်းစစ်တပ်လေ ကြောင်းတိုက်ခိုက်လို့ သံဃာတော်နှစ်ပါးနဲ့ပြည်သူတဦး ဒဏ်ရာရသွားပါတယ်။
အဲဒါကြောင့် တရက်တည်းမှာပြည်သူငါးဦးသေဆုံးပြီး သံဃာတော်သုံးပါးနဲ့ပြည်သူနှစ်ဆယ်ခြောက်ဦးဒဏ်ရာရသွားပါတယ်။
အဲဒီအပြင် ခရစ်ယာန်ဘုရားကျောင်းတဆောင်နဲ့ နေအိမ်အလုံးနှစ်ဆယ်လည်း ပျက်စီးသွားခဲ့ပါတယ်။
