Border News Agency
နေပြည်တော်၊ ဧပြီ ၁၇။
မြန်မာနိုင်ငံရဲ့ ငြိမ်းချမ်းရေးပန်းတိုင်ဟာ မဖြစ်သင့်မဖြစ်ထိုက်တဲ့ ပဋိပက္ခတွေကြောင့် အလှမ်းဝေးနေဆဲဖြစ်တယ်လို့ သမ္မတတုမင်းအောင်လှိုင်က နှစ်သစ်ကူးမိန့်ခွန်းမှာ ဝန်ခံပြောလိုက်ပါတယ်။
ပြည်တွင်းပဋိပက္ခတွေ ချုပ်ငြိမ်းဖို့ အလွန်အရေးကြီးကြောင်းနဲ့ ငြိမ်းချမ်းရေးအတွက် ၂၀၀၈ ဖွဲ့စည်းပုံအခြေခံဥပဒေနဲ့ NCA လမ်းကြောင်းအတိုင်း ဆောင်ရွက်နေတယ်လို့လည်း သူက ဆိုပါတယ်။
ဒါပေမယ့် မြေပြင်အခြေအနေမှာတော့ စစ်ကော်မရှင်တပ်ဟာ နိုင်ငံတဝှမ်းမှာ နယ်မြေစိုးမိုးမှုတွေ ဆုံးရှုံးနေပြီး ရှမ်းပြည်မြောက်ပိုင်း၊ရခိုင်နဲ့ကချင်ပမှာ တော်လှန်ရေးတပ်ဖွဲ့တွေရဲ့ ထိုးစစ်ဆင်မှုတွေကို ရင်ဆိုင်နေရတာပါ။
အဲဒီအပြင် ကုန်သွယ်ရေးလမ်းကြောင်းပေါ်က မြို့ကြီးတွေကို လက်လွှတ်ထားရသလို တပ်ရင်းတပ်ဖွဲ့လိုက်လက်နက် ချမှုတွေလည်း ဖြစ်နေပါတယ်။
သမ္မတတုက ငြိမ်းချမ်းရေးအကြောင်း ပြောဆိုနေပေမယ့် မြေပြင်မှာတော့ စစ်ကော်မရှင်တပ်ဟာ အရပ်သားတွေ နေထိုင်ရာ နေရာတွေကို လေကြောင်းကနေ ပစ်မှတ်ထားတိုက်ခိုက်တာ၊လ က်နက်ကြီးနဲ့ ပစ်ခတ်တာတွေကို နေ့စဉ်လုပ်ဆောင်နေတာကြောင့် စစ်ဘေးရှောင်ဦးရေဟာ သန်းနဲ့ချီပြီး တိုးပွားလာနေတယ်လို့ လူသားချင်းစာနာမှုဆိုင်ရာ အဖွဲ့အစည်းတွေက ထောက်ပြနေကြပါတယ်။
အဲဒီအပြင်စစ်ကော်မရှင်ဟာ စစ်မှုထမ်းဥပဒေကို အတင်းအဓမ္မ ကျင့်သုံးပြီး လူငယ်တွေကို စစ်ထဲကို ဆွဲသွင်းနေတာကြောင့် နိုင်ငံတဝှမ်း တော်လှန်ရေးအရှိန်က ပိုမိုမြင့်တက်လာနေပါတယ်။
အဲဒါကြောင့် စစ်ခေါင်းဆောင် ပြောဆိုနေတဲ့ NCA လမ်းကြောင်းဟာ လက်ရှိမြေပြင် အကျပ်အတည်းတွေကို ဖြေရှင်းဖို့ လက်တွေ့မကျတော့ဘူးလို့ နိုင်ငံရေးလေ့လာသူတွေက သုံးသပ်ကြပါတယ်။
အာရက္ခတပ်တော်(AA)ကတော့ ပလက်ဝမြို့နယ်အပါအဝင်တဆယ့်ငါးမြို့နယ်ကိုသိမ်းပိုက်ထိန်းချုပ်ထားပြီးကျန်မြို့တွေကိုလည်းထိုးစစ်ဆင်တိုက်ခိုက်နေပါတယ်။
အဲဒီလက်ကျန်မြို့တွေကိုလာမယ့်နှစ်မှာအပြီးသတ်တိုက်ခိုက်သိမ်းပိုက်ယူနိုင်ဖို့ကြိုးစားနေတယ်လို့ အာရက္ခတပ်တော်က ဆိုပါတယ်။
