Border News Agency
အမေရိကန်၊ ဧပြီ ၂၆။
အီရန်နိုင်ငံဆီကနေ ဒေါ်လာဘီလီယံနဲ့ချီတဲ့ ရေနံတွေဝယ်ယူနေတဲ့ တရုတ်နိုင်ငံက ပုဂ္ဂလိက ရေနံချက်စက်ရုံတခုအပါအဝင် ကုမ္ပဏီပေါင်း ၄၀ ကျော်ကို အမေရိကန်အစိုးရကဧပြီဘ၂၄ ရက်နေ့မှာ ပိတ်ဆို့အရေးယူလိုက်ပါတယ်။
အဲဒီအမေရိကန် ဘဏ္ဍာရေးဝန်ကြီးဌာနဟာ အီရန်ရဲ့အဓိကဖောက်သည်ဖြစ်တဲ့ Hengli Petrochemical ရေနံချက်စက်ရုံနဲ့အတူ အီရန်ရေနံတွေ သယ်ယူပို့ဆောင်ပေးနေတဲ့ သင်္ဘောလိုင်းတွေကို ပစ်မှတ်ထား အရေးယူခဲ့တာ ဖြစ်ပါတယ်။
တရုတ်သံရုံးဘက်ကတော့ အခုလို တဖက်သတ်ပိတ်ဆို့အရေးယူတာကို ကန့်ကွက်ကြောင်းနဲ့ ဒါဟာတရုတ်ကုမ္ပဏီတွေကို လက်နက်သဖွယ် အသုံးချတိုက်ခိုက်တာဖြစ်လို့ ချက်ချင်းရပ်တန့်ဖို့ တုံ့ပြန်ပြောဆိုထားပါတယ်။
အမေရိကန် ဘဏ္ဍာရေးဝန်ကြီးကတော့ အီရန်အစိုးရရဲ့ ငွေကြေးစီးဆင်းမှုကို ဖြတ်တောက်ဖို့အတွက် ရေနံဝယ်ယူသူတွေနဲ့ ကြားခံကုမ္ပဏီတွေကို ဆက်လက်ဖိအားပေးသွားမှာဖြစ်ပြီး တရုတ်ဘဏ်တွေကိုလည်း သတိပေးထားတယ်လို့ ဆိုပါတယ်။
အခုလို ပိတ်ဆို့မှုတွေကြောင့် တရုတ်ပုဂ္ဂလိက ရေနံချက်စက်ရုံတွေဟာ ရေနံဝယ်ယူဖို့ အခက်အခဲတွေ ရှိလာနိုင်သလို နိုင်ငံတကာ ရေနံဈေးကွက်အပေါ်မှာလည်း ရိုက်ခတ်မှုတွေ ရှိလာနိုင်တယ်လို့ ဆိုပါတယ်။
