Border News Agency
အီရန်၊ မေ ၁၀။
အမေရိကန်က အီရန်အပေါ် ချမှတ်ထားတဲ့ ဒဏ်ခတ်ပိတ်ဆို့မှုတွေမှာ ပူးပေါင်းပါဝင်တဲ့ နိုင်ငံတွေက သင်္ဘောတွေကို ဟော်မုဇ်ရေလက်ကြားကနေ ဖြတ်သန်းခွင့်ပေးတော့မှာမဟုတ်ဘူးလို့ အီရန်တပ်မတော် ပြောရေးဆိုခွင့်ရှိသူ မိုဟာမက် အာကရာမီးနီးယားက သတိပေးလိုက်ပါတယ်။
အီရန်အနေနဲ့ ဟော်မုဇ်ရေလက်ကြားအပေါ် အချုပ်အခြာအာဏာ ကျင့်သုံးနေပြီဖြစ်တာကြောင့် ရေလက်ကြားကို ဖြတ်သန်းချင်တဲ့ ဘယ်သင်္ဘောမဆို အီရန်နဲ့ ကြိုတင်ညှိနှိုင်းရမယ်လို့ အီရန်အစိုးရပိုင် IRNA သတင်းဌာနက ဖော်ပြပါတယ်။
ဒီလိုလုပ်ဆောင်တာဟာ အီရန်အတွက် အကျိုးကျေးဇူးတွေ အများကြီးရှိလာမယ်လို့လည်း ဆိုပါတယ်။
အမေရိကန်နဲ့ အီရန်တို့ မေလ ၇ ရက်နေ့က အပြန်အလှန် တိုက်ခိုက်ခဲ့ကြပြီးနောက် ပင်လယ်ကွေ့ဒေသမှာ တင်းမာမှုတွေ တကျော့ပြန် မြင့်တက်လာခဲ့တာပါ။
အမေရိကန်က အီရန်ရေနံတင်သင်္ဘောကို အရင်စတိုက်ခဲ့တာကြောင့် အီရန်က အမေရိကန် ဖျက်သင်္ဘော ၃ စီးကို ပြန်လည်တိုက်ခိုက်ခဲ့တယ်လို့ အီရန်ဘက်က ပြောပါတယ်။
အဲဒီအမေရိကန် ဗဟိုစစ်ဌာနချုပ်က အီရန်နိုင်ငံထဲက စစ်ရေးပစ်မှတ်တွေကို ဆက်တိုက် တိုက်ခိုက်နေပါတယ်။
အခုလို အီရန်က ရေလက်ကြားဖြတ်သန်းခွင့်ကို ကန့်သတ်လိုက်တာဟာ ဒေသတွင်း စစ်ရေးပဋိပက္ခကို ပိုပြီး ပြင်းထန်လာစေနိုင်တယ်လို့ စောင့်ကြည့်လေ့လာသူတွေက ယူဆနေကြပါတယ်။
