Border News Agency
စစ်တွေ၊ မေ ၂၀။
အာရက္ခအဆုံးအဖြတ်စစ်ပွဲကြောင့် အာရက္ခဒေသက ရက်ကန်းလုပ်ငန်းတွေ ရပ်နားထားရတယ်လို့ ရက်ကန်းလုပ် ငန်းလုပ်ကိုင်သူတွေက ဆိုကြပါတယ်။
အာရက္ခအဆုံးအဖြတ်စစ်ပွဲစတင်တဲ့နေ့ကစတင်ပြီး စစ်ကောင်စီတပ်က အာရက္ခဒေသတခုလုံးရှိ ကုန်းလမ်း၊ရေလမ်းအားလုံးကို တားဆီးကန့်သတ်ပိတ်ဆို့ထားသလို အာရက္ခဒေသသို့ ကုန်စည်စီးဆင်းမှုအားလုံးကိုလည်း တားမြစ်ပိတ်ဆို့ထားတာဖြစ်ပါတယ်။
အဲဒီလိုပိတ်ဆို့ဖြတ်တောက်မှုတွေကြောင့် ကုန်ကြမ်းချည်တွေဝယ်ယူမရတော့တာတွေ၊ရက်လုပ်ထားတဲ့ရက်က န်းထည်တွေကို တင်ပို့မရတာတွေ၊တို က်ပွဲကြောင့် လျှပ်စစ်မီးပြတ်တောက်နေတာတွေကြောင့် ရက်ကန်းလုပ်ငန်းတွေ ပုံမှန်မလည်ပတ်နိုင်တော့လို့ ရပ် နားထားရတယ်လို့ ရက်ကန်းလုပ်ငန်းလုပ်ကိုင်နေသူတွေက ဆိုကြပါတယ်။
“ရက်ကန်းလုပ်ငန်းတွေ ရပ်နားလိုက်တာ ခုဆိုတနှစ်ကျော်လောက်ရှိပြီ။တို က်ပွဲစဖြစ်ခါစတုန်းကဆို လျှပ်စစ်မီးရသေးတယ်။အဲဒီတုန်းက စက်ရက်ကန်းတွေအလုပ်လုပ်ရတော့ ပုံမှန်လည်ပတ်နိုင်ခဲ့သေးတယ်။နောက်ပိုင်း လျှပ်စစ်မီးဖြတ်တောက်ခံရတာနဲ့ ရက်ကန်းလုပ် ငန်းတွေအကုန်ရပ်နားထားလိုက်ရတာ ဒီနေ့ထိပါပဲ။” လို့ စစ်တွေမြို့နယ်မှရက် ကန်းလုပ်ငန်းရှင်အမျိုးသမီးတဦးက Border News Agency ကို ပြောပါတ ယ်။
အာရက္ခတပ်တော်ဟာ ပြီးခဲ့တဲ့ ၂၀၂၄ခုနှစ်၊ဖေဖော်ဝါရီလ ၂၁ရက်နေ့မှာ အာရပုဏ္ဏားကျွန်းမြို့နယ်ကို ထိုးစစ်ဆင်တို က်ခိုက်ခဲ့ပြီး မတ်လ ၄ ရက်နေ့မှာအပြီး သတ်သိမ်းပိုက်ခဲ့ပါတယ်။
အဲဒီမြို့သိမ်းတိုက်ပွဲကာလတွေမှာ စစ်ကောင်စီတပ်က ရက်ကန်းလုပ်ငန်းတွေ လုပ်ကိုင်ကြတဲ့ စစ်တွေမြို့နယ်နဲ့ပုဏ္ဏားကျွန်းမြို့နယ်ကြားရှိ ကျေးရွာတွေကို လက်နက်ကြီးပစ်ခတ်တာတွေ၊လေ ကြောင်းဗုံးကြဲတိုက်ခိုက်တာတွေ ပြု လုပ်ခဲ့တယ်လို့ ရက်ကန်းလုပ်ငန်းလုပ် ကိုင်သူတွေက ဆိုကြပါတယ်။
အဲဒီလိုပစ်ခတ်မှုတွေကြောင့် ရက်ကန်းလုပ်ငန်းလုပ်ကိုင်သူတွေ နေရပ်စွန့်ခွာထွက်ပြေးတိမ်းနေရတာမို့ ရက်ကန်းလုပ်ငန်းတွေကို ရပ်နားထားရတာဖြစ်တယ်လို့ ရက်ကန်းလုပ်ငန်းလုပ်ကိုင်သူတွေက ဆိုကြပါတယ်။
“ကျွန်မတို့က အထက်ထက်ကနေ ရက်ကန်းရက်လုပ်တဲ့ အတတ်ပညာနဲ့ပဲ အ သက်မွေးဝမ်းကျောင်းပြုလာခဲ့တာ။တိုက်ပွဲစဖြစ်တော့ အလုပ်တွေအကုန်ရပ်နားလိုက်ရတယ်။ရွာလုံးကျွတ်မီးရှို့ခံရတာတွေလည်းရှိတော့ ရက်ကန်းစင်တွေလည်းမရှိတော့မလား မသိဘူး။ဒီလိုနဲ့ပဲ ရခိုင်ရိုးရာရက်ကန်းလုပ်ငန်းတွေ ပျောက်ကွယ်သွားတော့မှာ ရင်လေးစရာပါ” လို့ စစ်တွေမြို့နယ်၊ဝါဘိုကျေး ရွာမှ ရက်ကန်းလုပ်ငန်းလုပ်ကိုင်ခဲ့သူ ဒေါ်ဦးသန်းစိန်က Border News Agency ကို ပြောပါတယ်။
အဲဒီရက်ကန်းလုပ်ငန်းတွေလုပ်ကိုင်ကြတဲ့လုပ်သားအင်အားမရှိတော့တာတွေ၊ပြည်မကလာတဲ့ချည်ကုန်ကြမ်းတွေ ဈေးမြင့်တက်နေတာတွေ၊ရက်ကန်းထ ည်ဝယ်ယူနည်းပါးနေတာတွေနဲ့တိုက်ပွဲကာလ ငွေကြေးအရင်းအနှီးအခက်အ ခဲတွေကြောင့် ရပ်နားထားရတယ်လို့ ရ က်ကန်းလုပ်ငန်းလုပ်ကိုင်ခဲ့ကြသူတွေက ဆိုကြပါတယ်။
အဲဒိီရက်ကန်းလုပ်ငန်းတွေကို စစ်တွေမြို့နယ်မှတောကန်၊ကျားမသောက်၊ရာတန်၊ဝါဘို၊သိန်းတန်၊ကံ့ကော်ကျွန်းစတဲ့ကျေးရွာတွေနဲ့ပုဏ္ဏားကျွန်းမြို့နယ်မှရဲရိုးပြင်၊ခမောင်းတောစတဲ့ ကျေးရွာတွေမှာအသက်မွေးဝမ်းကျောင်းလုပ်ငန်းအ ဖြစ် မျိုးရိုးစဥ်ဆက်လုပ်ကိုင်လာကြတာလို့ ရက်ကန်းလုပ်ငန်းလုပ်ကိုင်ခဲ့ကြသူတွေက ဆိုကြပါတယ်။
အဲဒီရက်ကန်းထည်တွေကို ပြည်တွင်းအပြင် တခြားဒေသတွေ၊ပြည်ပနိုင်ငံတွေထိ တင်ပို့ရောင်းချနိုင်ခဲ့ကြတယ်လို့လည်း ရက်ကန်းလုပ်ငန်းလုပ်ကိုင်ခဲ့ကြသူတွေက ဆိုကြပါတယ်။
အာရက္ခဒေသမှာ ပြီးခဲ့တဲ့ ၂၀၂၃ခုနှစ်၊ မေလ ၁၄ရက်နေ့က တိုက်ခတ်ခဲ့တဲ့ မိုခါမုန်တိုင်းကြောင့် ရက်ကန်းလုပ်ငန်းလုပ်ကိုင်ကြတဲ့ ကျေးရွာတွေမှာ ရက် ကန်းစင်တွေပျက်စီးဆုံးရှုံးခဲ့ပြီးပြန် လည်ရပ်တည်ဖို့ ကြိုးစားနေချိန်မှာ တိုက်ပွဲကြောင့် ထပ်မံရပ်နားလိုက်ရတယ်လို့ ရက်ကန်းလုပ်ငန်းလုပ်ကိုင်ခဲ့ကြသူတွေက ဆိုကြပါတယ်။
အဲဒါကြောင့်ရက်ကန်းလုပ်ငန်းတွေပြန် လည် ထူထောင်နိုင်ဖို့မျှော်လင့်နေကြသလို ရိုးရာရက်ကန်းလုပ်ငန်းတွေပျောက်ကွယ်သွားတော့မှာကိိုလည်း စိုးရိမ်နေကြတယ်လို့ ရက်ကန်းလုပ်ငန်းလုပ်ကိုင်ခဲ့ကြသူတွေနဲ့အာရက္ခပြည်သူတွေက ဆိုကြပါတယ်။
