Border News Agency
ပျော်ဘွယ်၊ ဧပြီ ၂၉။
မန္တလေးတိုင်း၊ ပျော်ဘွယ်မြို့နယ်မှာ မိုးရွာသွန်းပြီးလေပြင်းတိုက်ခတ်ခဲ့တာကြောင့် လူနေအိမ်တွေပျက်စီးသွားခဲ့တယ်လို့ ပျော်ဘွယ်မြို့နယ်မီးသတ်ဦးစီးဌာနက ဧပြီလ ၂၈ ရက်၊ မနေ့ကထုတ်ပြန်ပါတယ်။
အဲဒီမြို့မ၊မြင်းဘက်၊ ရွှေပြည်ရန်နိုင်ရပ်ကွက်၊ ရွှေညောင်ဖူး၊ မင်းလမ်း၊ ရွာထင်၊ ထရံကာ၊ ဂွေးဇီး၊ မြောက်ကန်ကြီးနဲ့ဘတ္တအုပ်စုတွေကို ဧပြီလ ၂၈ရက်၊ နေ့လည် ၃နာရီ ၅၀ မိနစ်မှ ၄ နာရီ ၂၀ အချိန်ခန့်ထိလေပြင်းတိုက်ခတ်ခဲ့တာလို့ ဆိုပါတယ်။
အဲဒီလိုလေပြင်းတိုက်ခိုက်ခဲ့တာကြောင့် လူနေအိမ်ဆယ့်ခြောက်လုံး၊ စာသင်ကျောင်းတဆောင်၊ ဓာတ်တိုင်နှစ်တိုင် ပျက်စီးဆုံးရှုံးတာတွေရှိခဲ့တယ်လို့ ဆိုပါတယ်။
ပျော်ဘွယ်မြို့နယ်မီးသတ်ဦးစီးဌာန၊ ရှာဖွေကယ်ဆယ်ရေးတပ်ဖွဲ့ဝင်တွေမှ လေပြင်းတိုက်ခတ်ခဲ့တာကြောင့် သစ်ပင်တွေပိမိနေတဲ့ မြို့မရပ်ကွက်နဲ့ မြင်းဘက်ရပ်ကွက်တွေရှိ လူနေအိမ်ကိုအချိန်နဲ့ တပြေးညီကူညီရှင်းလင်းရေးတွေကို ဆောင်ရွက်ခဲ့တယ်လို့ ဆိုပါတယ်။
