Border News Agency
မုံရွာ၊ ဇွန် ၉။
စစ်ကိုင်းဒေသ၊မုံရွာမြို့နယ်မှာ တော်လှန်ရေးတပ်တွေတိုက်ခိုက်လို့ ဗိုလ်နှစ်ဦးအပါအဝင် အာဏာသိမ်းစစ်တပ်တပ်ဖွဲ့ဝင် ၆ ဦးသေဆုံးတယ်လို့ မုံရွာမြို့နယ်ပြည်သူ့လုံခြုံရေးတပ်ဖွဲ့ – (PSF )မှ ဇွန်လ ၈ရက်၊ မနေ့က ထုတ်ပြန်ပါတယ်။
မုံရွာမြို့ရှိ အာဏာသိမ်းစစ်တပ်ရဲ့ နမခတပ်ရင်းမှ ချောင်းဦးမြို့ကို လက်နက်ခဲယမ်းပို့ဆောင်တဲ့ယာဉ်နှစ်စီးကို ဇွန်လ ၇ ရက်၊ ည ၈ နာရီခွဲအချိန်ခန့်က တော်လှန်ရေးပူးပေါင်းတပ်ဖွဲ့တွေက မုံရွာ -မန္တလေးလမ်းပေါ်မှာကြားဖြတ်တိုက်ခိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့တာကြောင့် စစ်ဗိုလ်နှစ်ဦးအပါအဝင် အာဏာသိမ်းစစ်တပ်တပ်ဖွဲ့ဝင် ၆ ဦးသေဆုံးပြီး ဒဏ်ရာရသူ ၂ ဦးကိုလည်း မုံရွာဆေးရုံသို့ အမြန်ပို့ဆောင်သွားတယ်လို့ဆိုပါတယ်။
အဲဒီ တိုက်ခိုက်မှုအတွင်း စစ်တပ်ဘက်မှ MA 1 ၂ လက်၊ MA3 ၁ လက်၊ G3 ၁ လက် သိမ်းဆည်းရမိခဲ့တယ်လို့ ဆိုပါတယ်။
အဲဒီတိုက်ခိုက်မှုကို BRAVE HEART ARMY- BHA ၊ မုံရွာမြို့နယ်ပြည်သူ့လုံခြုံရေးတပ်ဖွဲ့ – PSF ၊ MONYWA SPECIAL- ဒိတ်ဒိတ်ကြဲ၊ MONYWA DYNAMITE.STF နဲ့ GOLDEN TARGET FORCE.GTF တို့က ပူးပေါင်းလုပ်ဆောင်ခဲ့တာလို့ ဆိုပါတယ်။
