Border News Agency
မလေးရှား၊ ဇူလိုင် ၂၈။
မလေးရှားနိုင်ငံ၊ ဂျိုဟိုးပြည်နယ်၊ နန်းနက်စ်မြို့ လူဝင်မှုကြီးကြပ်ရေးစခန်းမှာ ထိန်းသိမ်းခံထားရတဲ့ မြန်မာကိုးဆယ့်ကိုးဦးအပါအဝင် နိုင်ငံခြားသားတရာ့ရှစ်ဆယ့်ခြောက်ဦးကို ဇူလိုင်လ ၂၈ ရက်၊ ဒီနေ့ နေရပ်ပြန်ပို့လိုက်ပါတယ်။
အဲဒီလွှဲပြောင်းပေးခဲ့သူတွေထဲ မြန်မာကိုးဆယ့်ကိုးဦး၊ ဘင်္ဂလားဒေ့ရှ်သုံးဆယ့်လေးဦး၊ ပါကစ္စတန်သုံးဆယ့်နှစ်ဦးနဲ့ အခြားနိုင်ငံသားတွေပါဝင်ပြီး ကွာလာလမ်ပူအပြည်ပြည်ဆိုင်ရာ လေဆိပ်မှတဆင့် ပြည်နှင်ဒဏ်ပေးခဲ့တာပါ။
သူတို့ဟာ တရားဝင်နိုင်ငံကူးလက်မှတ်၊ သံရုံးတွေထုတ်ပေးတဲ့ ယာယီခရီးသွားလာခွင့်စာရွက်စာတမ်းတွေနဲ့ ပြန်လည်ထွက်ခွာခဲ့ကြတာဖြစ်ပါတယ်။
အဲဒီလိုပြန်လည်ထွက်ခွာရာမှာ ကိုယ်ပိုင်စရိတ်၊ မိသားစုထောက်ပံ့ငွေတွေနဲ့ လေယာဉ်လက်မှတ်ခကိုကျခံခဲ့ကြရပါတယ်။
ပြန်လည်လွှဲပြောင်းခံရသူ အားလုံးကို နာမည်ပျက်စာရင်း (Blacklist) သွင်းထားပြီး သတ်မှတ်ကာလအတွင်း မလေးရှားနိုင်ငံသို့ ပြန်လည်ဝင်ရောက်ခွင့်ပိတ်ပင်ထားပါတယ်။
