Border News Agency
ထိုင်း၊ အောက်တိုဘာ ၁၀။
မလေးရှားနိုင်ငံကို တရားမဝင်သွားဖို့စုစည်းနေကြတဲ့ မြန်မာဆယ့်ခုနှစ်ဦးနဲ့ တရုတ်လေးဦးကို ထိုင်းတောင်ပိုင်း၊နရာသီဝပ်ခရိုင်မှာ အောက်တိုဘာလ ၉ ရက်နေ့မှာ ထိုင်းရဲတပ်ဖွဲ့က ဖမ်းဆီးလိုက်ပါတယ်။
သူတို့ဟာ အထောက်အထားမရှိဘဲ နယ်စပ်ဖြတ်ကျော်ပြီး မလေးရှားကိုသွားဖို့အတွက် ဝဲအင်မြို့နယ် ငှားရမ်းအိမ်တအိမ်မှာ စုစည်းနေချိန်ဖမ်းဆီးခံခဲ့ရတာပါ။
ဖြစ်စဉ်မှာ CCTV မှတ်တမ်းတွေအရ ရဲတပ်ဖွဲ့က ပစ်ကပ်ကားတစီးကို ခြေရာခံစစ်ဆေးခဲ့ရာ ယာဉ်မောင်းဖြစ်သူက သူတို့ကိုဟတ်ယိုင်ခရိုင်ကနေလာရောက်ပို့ဆောင်ပေးတာဖြစ်ကြောင်း ဝန်ခံခဲ့ပါတယ်။
အဲဒီပို့ဆောင်ခိုင်းသူမှာ မလေးရှားနိုင်ငံသားတဦးဖြစ်ပြီး လက်ရှိမှာယာဉ်မောင်းအပါအ
ဝင် မြန်မာနဲ့ တရုတ်စုစုပေါင်းနှစ်ဆယ့်တဦးကို ဗူကစ်တာရဲစခန်းမှာ ဥပဒေအတိုင်း အ
ရေးယူဖို့ လွှဲပြောင်းထားပါတယ်။
