Border News Agency
စစ်ကိုင်း၊ အောက်တိုဘာ ၃၁။
စစ်ကိုင်းတိုင်း၊မြင်းမူမြို့နယ်ရှိ ကျေးရွာတွေကို အာဏာသိမ်းစစ်တပ်လေကြောင်းတိုက်ခိုက်ခဲ့တာကြောင့် အရပ်သားနှစ်ဦးသေဆုံးပြီး စာသင်ကျောင်းဆောင်တွေပျက်စီးသွားခဲ့ပါတယ်။
အဲဒီမြင်းမူမြို့နယ်၊ ညောင်ပင်ကန်၊ ရုန်းကားနဲ့ လှေဦးကန်ကျေးရွာတွေကို အောက်တိုဘာလ ၃၀ ရက်နေ့က အာဏာသိမ်းစစ်တပ်လေကြောင်းတိုက်ခိုက်ခဲ့တာပါ။
အဲဒီလိုတိုက်ခိုက်ခဲ့တာကြောင့် ညောင်ပင်ကန်နဲ့ရုန်းကားကျေးရွာရှိ စာသင်ကျောင်းတွေပျက်စီးခဲ့ကာ လှေဦးကန်ကျေးရွာမှအရပ်သားနှစ်ဦးလည်းသေဆုံးခဲ့ပါတယ်။
အဲဒီလေကြောင်းတိုက်ခိုက်မှုဖြစ်ပွားတဲ့ နေရာတွေဟာစစ်ရေးပစ်မှတ်မဟုတ်သလို တိုက်ပွဲလည်းဖြစ်ပွားခဲ့တာမရှိဘဲ အာဏာသိမ်းစစ်တပ်က အပြစ်မဲ့အရပ်သားတွေနဲ့ စာသင်ကျောင်းတွေကို ပစ်မှတ်ထား တိုက်ခိုက်ခဲ့တာလို့ ဒေသခံတွေကဆိုကြပါတယ်။
အဲဒီမြင်းမူမြို့နယ်၊အလယ်ကြော ဧရိယာသို့ အောက်တိုဘာလ ၃၁ ရက်၊ဒီနေ့ မနက် ၁၁ နာရီခွဲအချိန်ကလည်းလေကြောင်းတိုက်ခိုက်မှုတွေထပ်မံပြုလုပ်ခဲ့ပါတယ်။
မြင်းမူမြို့နယ်ရှိ ဒေသခံတွေနဲ့တော်လှန်ရေး ရဲဘော်တွေအနေနဲ့လေကြောင်းအန္တရာယ်ကို သတိပြုကာလုံခြုံတဲ့နေရာတွေမှာ ဂရုစိုက်နေထိုင်ကြဖို့ တော်လှန်ရေးအဖွဲ့အစည်းတွေက နှိုးဆော်ထားပါတယ်။
