Border News Agency
ကော့စ်ဘဇာ၊ သြဂုတ် ၂၅။
အာရက္ခတပ်တော်(AA)တပ်မှူးချုပ်၊ ဗိုလ်ချုပ်ထွန်းမြတ်နိုင်၊ ဒုတိယတပ်မှူးချုပ်ဒေါက်တာညိုထွန်းအောင်အပါအဝင်ခေါင်းဆောင်တွေကို နိုင်ငံတကာကအရေးယူပေးကြဖို့ ဘင်္ဂလားဒေ့ရှ်နိုင်ငံ၊ ဒုက္ခသည်စခန်းတွေရှိ ရိုဟင်ဂျာတွေဟာသြဂုတ်လ ၂၅ ရက်၊ ဒီနေ့ဆန္ဒပြတောင်းဆိုနေကြပါတယ်။
အဲဒီဘင်္ဂလားဒေ့ရှ်နိုင်ငံ၊ ဒုက္ခသည်စခန်းတွေရှိ ရိုဟင်ဂျာတွေဟာ လူမျိုးတုန်းသ တ်ဖြတ်ခံရမှုအထိမ်းအမှတ်အောက်မေ့ဖွယ်နေ့အခမ်းအနားမှာ ခုလိုတောင်းဆိုနေကြတာဖြစ်ပါတယ်။
အဲဒီဘင်္ဂလားဒေ့ရှ်နိုင်ငံ၊ ဒုက္ခသည်စခန်းတွေရှိရိုဟင်ဂျာတွေအပါအဝင်ကလေးငယ်တချို့ဟာ အာရက္ခတပ်တော်၊ တပ်မှူးချုပ်၊ ဗိုလ်ချုပ်ထွန်းမြတ်နိုင်ပုံကို ဖိနပ်တွေနဲ့ရိုက်သတ်ဆန္ဒပြတာတွေထိပြုလုပ်နေကြတာပါ။
အဲဒီအခမ်းအနားသို့ ဘင်္ဂလားဒေ့ရှ်ကြားဖြတ်အစိုးရခေါင်းဆောင်အပါအဝင်နိုင်ငံတကာက တက်ရောက်နေတာပါ။
ဘူးသီးတောင်မြို့နယ်၊ ထန်းရှောက်ခံကျေးရွာမှာ ၂၀၂၄ ခုနှစ်၊ မေလကအမျိုးသား၊ အမျိုးသမီး၊ ကလေးသူငယ်အပါအဝင်အရပ်သားခြောက်ရာခန့်ကို အာရက္ခတပ်တော်က အစုလိုက်အပြုံလိုက်သတ်ဖြတ်ခဲ့တယ်လို့ စွပ်စွဲနေကြတာပါ။
မြန်မာစစ်တပ်ဟာ ၂၀၁၇ ခုနှစ်က မော င်တောဒေသမှာနယ်မြေရှင်းလင်းမှုစစ်ဆင်ရေးပြုလုပ်ခဲ့တာမို့တဖက်ဘင်္ဂလားဒေ့ရှ်နိုင်ငံသို့လူခုနှစ်သိန်းနီးပါးထွက်ပြေးခဲ့ကြတာပါ။
ဒါပေမယ့်ရှစ်နှစ်ကြာထိနေရပ်မပြန်နိုင်ကြသေးသလို နေရပ်ပြန်မယ့်မောင်တောဒေသနယ်မြေအားလုံးကို အာရက္ခတပ်တော်က သိမ်းပိုက်ထိန်းချုပ်ထားပြီဖြစ်ပါတယ်။
