Border News Agency
နမ့်ခမ်း၊အောက်တိုဘာ ၂၈။
တအာင်းအမျိုးသားလွတ်မြောက်ရေးတပ်မတော် (TNLA) ထိန်းချုပ်ထားတဲ့ ရှမ်းပြည်မြောက်ပိုင်း၊နမ့်ခမ်းမြို့မှာကျင်းပခဲ့တဲ့ မြို့နယ်အုပ်ချုပ်ရေးဘောလုံးပြိုင်ပွဲဗိုလ်လုပွဲစဉ်ကို အာရက္ခတပ်တော် (AA) ရဲ့ ဒုစစ်ဦးစီးချုပ်ဒေါက်တာညိုထွန်းအောင် တက်ရောက်အားပေးခဲ့ပါတယ်။
အဲဒီဘောလုံးပြိုင်ပွဲဗိုလ်လုပွဲကို အောက်တိုဘာလ ၂၅ ရက်နေ့မှာကျင်းပခဲ့တာဖြစ်ပြီး ကောင်းတပ်ရပ်ကွက်အသင်းက ပေါက်တိုက်ရပ်ကွက်အသင်းကို သုံးဂိုးနှစ်ဂိုးနဲ့အနိုင်ရရှိကာ ဗိုလ်စွဲသွားခဲ့တာ ဖြစ်ပါတယ်။
ပြိုင်ပွဲသို့ AA ဒုစစ်ဦးစီးချုပ်ဒေါက်တာညိုထွန်းအောင်၊ TNLA ဒုတိယဥက္ကဋ္ဌဒုဗိုလ်ချုပ်ကြီး တားဂျုတ်ဂျား၊ တွဲဖက်အထွေထွေအတွင်းရေးမှူးဗိုလ်မှူးချုပ်တားအုမ်တမာဝ်းတို့အပြင် နမ့်ခမ်းဒေသခံ တိုင်းရင်းသားယဉ်ကျေးမှုအဖွဲ့တွေနဲ့ ရပ်မိရပ်ဖတွေတက်ရောက်ခဲ့ကြပါတယ်။
အဲဒီပြိုင်ပွဲကိုလူငယ်တွေကျန်းမာကြံ့ခိုင်စေဖို့၊ မူးယစ်ဆေးဝါးကင်းစင်ဖို့နဲ့ အားကစားမှတဆင့်စည်းလုံးညီညွတ်မှုရရှိစေဖို့ရည်ရွယ်ပြီး နမ့်ခမ်းမြို့ပေါ်ရှိ ရပ်ကွက် ၁၄ ခုက အောက်တိုဘာလ ၁၂ ရက်နေ့မှစတင်ကာ ယှဉ်ပြိုင်ခဲ့ကြတာပါ။
