Border News Agency
စစ်ကိုင်း၊ ဧပြီ ၂၈။
စစ်ကိုင်းတိုင်းစစ်ဌာနခွဲလက်အောက်ရှိ တပ်ရင်းတပ်ဖွဲ့တွေအတွက် စစ်ကိုင်းဆီသို့ကမ်ပိန်းက ထောက်ပံ့တဲ့ကာကွယ်ရေးပစ္စည်းတွေ မြေပြင်တပ်ဖွဲ့တွေဆီကိုရောက်လာပြီလို့ အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာနက ဧပြီလ ၂၇ ရက်၊မနေ့ကထုတ်ပြန်ပါတယ်။
အဲဒီထောက်ပံ့မှုမှာ တိုက်ပွဲဝင်ရဲဘော်တွေအတွက်အဓိကလိုအပ်တဲ့ ကျည်ကာအင်္ကျီတွေနဲ့ စစ်ဦးထုပ်တွေ ပါဝင်ပါတယ်။
ဒီပစ္စည်းတွေကို Forward Myanmar အဖွဲ့နဲ့ တော်လှန်ရေးပြည်သူတွေက စုပေါင်းလှူဒါန်းခဲ့ကြတာဖြစ်တယ်လို့ဆိုပါတယ်။
အခုလို ကာကွယ်ရေးပစ္စည်းတွေ ကူညီထောက်ပံ့ပေးတဲ့အတွက် Forward Myanmar အဖွဲ့နဲ့ ပြည်သူတွေကို အထူးကျေးဇူးတင်ရှိကြောင်း NUG ကာကွယ်ရေးဝန်ကြီးဌာနက မှတ်တမ်းတင် ဂုဏ်ပြုစကား ဆိုထားပါတယ်။
ကာကွယ်ရေးဝန်ကြီးဌာနအနေနဲ့ ပြည်သူ့ကာကွယ်ရေးတပ်မတော် (PDF) တပ်ရင်းတွေကို စစ်စည်းကမ်းနဲ့ စစ်ဥပဒေလိုက်နာတဲ့ တပ်ဖွဲ့တွေဖြစ်လာအောင် လေ့ကျင့်ပေးနေသလို လက်နက်တပ်ဆင်မှုတွေကိုလည်း စနစ်တကျ လုပ်ဆောင်နေတယ်လို့ လည်းဆိုပါတယ်။
မြေပြင်မှာတော့ စစ်ကိုင်းတိုင်းအတွင်း တိုက်ပွဲတွေ ဆက်လက်ပြင်းထန်နေတာကြောင့် အခုလို ကာကွယ်ရေးပစ္စည်းတွေ ရရှိမှုဟာ ရဲဘော်တွေရဲ့အသက်ဘေးကင်းလုံခြုံရေးအတွက် များစွာအထောက်အကူဖြစ်စေတယ်လို့ဆိုပါတယ်။
