Border News Agency
ပုလော၊ အောက်တိုဘာ ၁၂။
တနင်္သာရီတိုင်းဒေသကြီး၊မြိတ်ထားဝယ်ခရိုင်၊လယ်မူလားမြို့နယ်၊ပုလောကျေးရွာအုပ်စုရှိ မကျည်းကုန်းကျေးရွာအနီးမှာတပ်စွဲထားတဲ့ အာဏာသိမ်းစစ်တပ် ခလရ (၂၈၅) ရဲ့ ကာကင်းစခန်းတခုကို KNLA နဲ့ တော်လှန်ရေးပူးပေါင်းတပ်တွေက အောက်တိုဘာလ၁၂ ရက် ၊မနက်ပိုင်းမှာ ဝင်ရောက်တိုက်ခိုက်ခဲ့ပါတယ်။
အဲဒီတိုက်ခိုက်မှုကို KNLA တပ်မဟာ (၄) အထူးတပ်ဖွဲ့၊ ပြည်သူ့ကာကွယ်ရေးတပ်မတော် (PDF) နဲ့ မြိတ်ခရိုင် အမှတ် (၁) တပ်ရင်းတို့ ပူးပေါင်းကာ မနက် ခုနစ်နာရီခွဲအချိန်မှာ ဝင်ရောက်စီးနင်း တိုက်ခိုက်ခဲ့တာဖြစ်ပါတယ်။
အဲဒီစခန်းသိမ်းတိုက်ခိုက်မှုအတွင်း အာဏာသိမ်းစစ်တပ်ဘက်မှ MA-1 တလက်၊ MA-3 တလက်၊ OG တလက်၊ AK တလက်၊ ၆၀ မမ တလက် အပါအဝင် ခဲယမ်းမီးကျောက် အချို့ကို တော်လှန်ရေးပူးပေါင်းတပ်တွေက သိမ်းဆည်းရရှိခဲ့တာပါ။
တိုက်ခိုက်မှုဖြစ်ပွားပြီးနောက် အာဏာသိမ်းစစ်တပ်ဘက်က ထိခိုက်သေဆုံးမှု အခြေအနေ အသေးစိတ်ကိုတော့ သီးခြားအတည်မပြုနိုင်သေးပါဘူး။
အဲဒီနယ်မြေအတွင်း စစ်ရေးတင်းမာမှုတွေ ဆက်လက်ဖြစ်ပွားနေပြီး တော်လှန်ရေးပူးပေါင်းတပ်တွေဘက်က နယ်မြေစိုးမိုးရေး လုပ်ငန်းတွေကိုဆက်လက် ဆောင်ရွက်နေပါတယ်။
