Border News Agency
နေပြည်တော်၊ဧပြီ ၁၈
အာဏာသိမ်းစစ်ကော်မရှင်တပ်ရဲ့ မတရားဖမ်းဆီးချုပ်နှောင်ခံခဲ့ရတဲ့ နိုင်ငံတော်သမ္မတ ဦးဝင်းမြင့် မိသားစုနဲ့ ပြန်လည်ဆုံစည်းရတဲ့အပေါ် ပြည်သူလူထုနဲ့ထပ်တူ ဝမ်းသာတယ်လို့ အမျိုးသားညီညွတ်ရေးအတိုင်ပင်ခံကောင်စီ (NUCC) ကထုတ်ပြန်ပါတယ်။
သမ္မတဦးဝင်းမြင့်ဟာ ပြည်သူက ဒီမိုကရေစီနည်းလမ်းကျ ရွေးကောက်တင်မြှောက်ထားသူဖြစ်လို့ သူ့ကို မြန်မာနိုင်ငံရဲ့ သမ္မတအဖြစ် NUCC က တရားဝင် ဆက်လက်အသိအမှတ်ပြုထားတယ်လို့ ဆိုပါတယ်။
ဒါ့အပြင် လူထုခေါင်းဆောင်ဒေါ်အောင်ဆန်းစုကြည်နဲ့တကွ ကျန်ရှိနေတဲ့ နိုင်ငံရေးအကျဉ်းသားတွေ အားလုံး လွတ်မြောက်ရေးအတွက် ဆက်လက်ကြိုးပမ်းသွားမယ်လို့လည်းဆိုပါတယ်။
အဲဒီအပြင်အာဏာရှင်စနစ်မှန်သမျှ ပျောက်ကွယ်ပြီး ဖက်ဒရယ်ဒီမိုကရေစီပြည်ထောင်စု တည်ဆောက်နိုင်တဲ့အထိ တော်လှန်ရေးအင်အားစုတွေနဲ့အတူ ဆက်လက်တိုက်ပွဲဝင်သွားမယ်လို့လည်း ဆိုပါတယ်။
