Border News Agency
မောင်တော၊ ဧပြီ ၁။
၁၇နှစ်ပြည့် အာရက္ခတပ်တော် (AA) မွေးနေ့အထိမ်းအမှတ်အဖြစ် အာရက္ခဒေသအတွင်းရှိ လူမျိုးပေါင်းစုံပါဝင်တဲ့ ချစ်ကြည်ရေးဘောလုံးပြိုင်ပွဲကို ဧပြီ ၁၀ ရက်နေ့မှာ ကျင်းပခဲ့ပါတယ်။
အဲဒီပြိုင်ပွဲဟာ အာရက္ခပြည်အတွင်းနေထိုင်ကြတဲ့ လူမျိုးစုတွေကြားစည်းလုံးညီညွတ်မှုနဲ့ လူမှုသဟဇာတဖြစ်မှုကို တိုးမြှင့်ခိုင်မာစေဖို့ ရည်ရွယ်ပြီး စီစဉ်ခဲ့တာဖြစ်ပါတယ်။
အဲဒီပြိုင်ပွဲမှာ အာရက္ခတပ်တော်ရဲ့ ဌာနဆိုင်ရာတာဝန်ရှိသူတွေ၊ လူမျိုးစုကိုယ်စားလှယ်တွေနဲ့ မူဆလင်အသိုင်းအဝိုင်းက ခေါင်းဆောင်တွေ တက်ရောက်ခဲ့ကြပါတယ်။
ပြိုင်ပွဲအပြီးမှာတော့ အနိုင်ရရှိခဲ့ကြတဲ့ ပထမဆုနဲ့ဒုတိယဆုရအသင်းတွေကို အာရက္ခတပ်တော်ဘက်က ဆုငွေတွေပေးအပ်ချီးမြှင့်ခဲ့ပါတယ်။
အခုလို အားကစားပြိုင်ပွဲကျင်းပခြင်းဟာ မတူကွဲပြားတဲ့လူမျိုးစုတွေကြား ချစ်ကြည်ရင်းနှီးမှုကိုဖော်ပြတဲ့အပြင် ဒေသတွင်းစုပေါင်းအင်အားကိုလည်း ပြသရာရောက်တယ်လို့သိရပါတယ်။
