Border News Agency
ရွှေကျင် ၊ ဧပြီ ၁၅။
ပဲခူးတိုင်း၊ ရွှေကျင်မြို့နယ် စစ်ကော်မရှင်တပ်ရဲ့လက်ယက်စခန်းကုန်းကို တော်လှန်ရေးတပ်တွေတိုက်ခိုက်လို့ စစ်ကော်မရှင်တပ်ဖွဲ့ဝင် ၈ ဦးသေဆုံးသွားတယ်လို့ Yangon Battalion မှ ဧပြီလ ၁၄ ရက်၊ မနေ့ကထုတ်ပြန်ပါတယ်။
စစ်ကော်မရှင်တပ်စခန်းကို ဧပြီလ ၄ ရက်နေ့က တော်လှန်ရေးတပ်တွေစတင်တိုက်ခိုက်ခဲ့ပြီး ဧပြီလ ၇ ရက်၊ မနက် ၅နာရီအချိန်မှာ အပြီးသတ်တိုက်ခိုက်သိမ်းပိုက်နိုင်ခဲ့တယ်လို့ ဆိုပါတယ်။
အဲဒီစခန်းသိမ်းတိုက်ပွဲမှာ စစ်ကော်မရှင်တပ်ဖွဲ့ဝင် ၈ ဦးသေဆုံးပြီး ၃၀ ဦးဒဏ်ရာရသွားခဲ့တယ်လို့ဆိုပါတယ်။
စခန်းသိမ်းပြီးနောက် စစ်ကော်မရှင်တပ်စစ်ကူကို ထပ်မံတိုက်ခိုက်ခဲ့တာကြောင့် စစ်ကော်မရှင်တပ်ဖွဲ့တင် ၁၄ ဦးသေဆုံးကာ ၁၉ ဦးဒဏ်ရာရရှိခဲ့ပြီး စစ်ကော်မရှင်တပ်ဘက်မှ လက်နက်ခဲယမ်းတွေအများအပြားသိမ်းဆည်းရှိရမိခဲ့တယ်လို့ ဆိုပါတယ်။
အဲဒီတိုက်ပွဲကို ရန်ကုန်တိုင်းစစ်ဌာနကွပ်ကဲမှုအောက်ရှိ တပ်ရင်းတွေပါဝင်ခဲ့ကြပြီး အထူးတိုင်းစစ်ဌာန၊ နည်းဗျူဟာ၃၆ကွပ်ကဲမှုအောက်ရှိတပ်ရင်းတွေ၊ အထူးစစ်ဆင်ရေးတပ်ဖွဲ့ – SOF၊ ရန်ကုန်တိုင်းပကဖ တိုက်ခိုက်ရေးစစ်ကြောင်း၊ ပဲခူးတိုင်းပကဖ တိုက်ခိုက်ရေးစစ်ကြောင်း၊ SOG ဒရုန်းတပ်ဖွဲ့နဲ့ KNLA တပ်ရင်း – ၇၊ တပ်ခွဲ-၁တို့ပူးပေါင်းတိုက်ခိုက်ခဲ့တာလို့ ဆိုပါတယ်။
