Border News Agency
ဟင်္သာတ၊ ဇူလိုင် ၃၁။
ဧရာဝတီတိုင်း၊ ဟင်္သာတခရိုင်၊ လေးမျက်နှာမြို့နယ်မှာ ဇူလိုင်လ ၃၁ ရက်၊ ဒီနေ့မနက်က ငဝန်မြစ်တာဘောင်ကျိုးပေါက်ပြီး ရေကြီးရေလျှံနေပါတယ်။
အဲဒီမြစ်ကျိုးကျေးရွာအနီးရှိ တာဘောင်ဟာ ဇူလိုင်လ ၃၀ ရက်၊ နေ့လည်က သဲဗွက်ဖြစ်ပေါ်ကာ တာဘောင်နိမ့်ဆင်းသွားပြီး ရေတွေစတင်စိမ့်ဝင်နေခဲ့သလို ဇူလိုင်လ ၃၁ ရက်၊ဒီနေ့ မနက် ၂ နာရီ ၃၀ မိနစ်အချိန်မှာ တာဘောင်ကျိုးပေါက်သွားခဲ့တာပါ။
အဲဒီလေးမျက်နှာမြို့နယ်၊ တာဘောင်အောက်ရှိကျေးရွာတွေ ရေဘေးစိုးရိမ်နေကြရတာမို့ ဒေသခံတွေဘေးလွတ်ရာကို အရေးပေါ်ပြောင်းရွှေ့နေကြရပါတယ်။
အဲဒီမြစ်ကျိုးကျေးရွာအပါအဝင်အနီးရှိ လူနေအိမ်တွေရေနစ်မြုပ်နေပြီး လမ်းတွေရေကျော်နေတာမို့ သွားလာရေးခက်ခဲနေကြပါတယ်။
