Border News Agency
နေပြည်တော်၊ဧပြီ ၃၀။
အာဏာသိမ်းစစ်တပ်က မရားဖမ်းဆီးထားတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဧပြီလ ၃၀ ရက်၊ ဒီနေ့ နေအိမ်ကို ပြောင်းလိုက်ပြီလို့ အာဏာသိမ်းစစ်တပ်ထုတ်ပြန်ပါတယ်။
အဲဒီနိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို ရာဇဝတ်ကျင့် ထုံးဥပဒေပုဒ်မ ၅၄၁၊ ပုဒ်မခွဲ(၁)အရ နေအိမ်မှာ ဆက်ကျခံစေရန်ပြောင်းလဲသတ်မှတ်ပေးလိုက်တယ်လို့ အာဏာသိမ်းစစ်တပ်ကကြေညာပါတယ်။
ဒါပေမယ့် ဒီအမိန့်ကို ဘယ်သူက အတည်ပြုခဲ့သလဲဆိုတာနဲ့ အသေးစိတ်အချက်အလက်တွေကိုတော့ ပြောတာမရှိပါဘူး။
နေပြည်တော် သတင်းအရင်းအမြစ်တွေရဲ့ အဆိုအရ ဒေါ်အောင်ဆန်းစုကြည်ကို နေပြည်တော်၊ ဥတ္တရသီရိမြို့နယ်၊ Ocean စင်တာအနီးက အရင် NLD အစိုးရလက်ထက် ဝန်ကြီးတွေ နေထိုင်ခဲ့တဲ့ နေရာမှာ ထားရှိတယ်လို့ ဆိုပါတယ်။
အာဏာသိမ်းစစ်တပ်ဟာအကျဉ်းသားအားလုံးကို ထောင်ဒဏ်လျှော့ပေါ့ပေးကြောင်းကြေညာခဲ့သလို ဒေါ်အောင်ဆန်းစုကြည်ကိုလည်း အကျဉ်းထောင်မှနေအိမ်အကျယ်ချုပ်ကို ပြောင်းလိုက်တာဖြစ်ပါတယ်။
ဒေါ်အောင်ဆန်းစုကြည်ဟာ ၂၀၂၁ ခုနှစ် အာဏာသိမ်းစဉ်ကတည်းက ဖမ်းဆီးခံခဲ့ရတာဖြစ်ပြီး အမှုပေါင်းများစွာနဲ့ မတရားထောင်ဒဏ် ချမှတ်ခံထားရသူပါ။
သူမရဲ့ ကျန်းမာရေးနဲ့ ပတ်သက်ပြီး မိသားစုဝင်တွေနဲ့ နိုင်ငံတကာက စိုးရိမ်နေကြတဲ့အချိန်မှာ အခုလို နေအိမ်ကို ပြောင်းရွှေ့လိုက်တာဖြစ်ပြီး လက်ရှိမှာတော့ သူမကို ဘယ်လိုကန့်သတ်ချက်တွေနဲ့ ထားရှိမလဲဆိုတာကိုတော့ ဆက်စောင့်ကြည့်ရဦးမှာ ဖြစ်ပါတယ်။
