Border News Agency
အမေရိကန်၊ဇူလိုင် ၂၂။
အမေရိကန်နဲ့ အီရန်နိုင်ငံတို့အကြား စစ်ရေးတင်းမာမှုတွေပြင်းထန်နေချိန်မှာပဲ ဟောမုဇ်ရေလက်ကြားကို ဖြတ်သန်းမောင်းနှင်ဖို့ ကြိုးပမ်းခဲ့တဲ့ ရေနံတင်သင်္ဘောနှစ်စီး ပေါက်ကွဲမှုဖြစ်ပွားပြီး မီးလောင်ကျွမ်းခဲ့ပါတယ်။
အဲဒီ ရေနံတင်သင်္ဘောတွေဟာအမေရိကန်ရဲ့ လမ်းညွှန်ချက်နဲ့ ဘေးကင်းမှုမရှိတဲ့တောင်ဘက်ရေလမ်းကြောင်းအတိုင်း မောင်းနှင်လာစဉ် ပေါက်ကွဲမှုဖြစ်ပြီး မီးလောင်ကျွမ်းခဲ့တာဖြစ်တယ်လို့ အီရန် တော်လှန်ရေးအစောင့်တပ် (IRGC) က ထုတ်ပြန်ထားပါတယ်။
အဲဒီဖြစ်စဉ်ဖြစ်ပွားပြီးနောက် မီးလောင်နေတဲ့ သင်္ဘောပေါ်မှအဖွဲ့သားတွေကိုကယ်ဆယ်ရေးအဖွဲ့တွေကဘေးလွတ်ရာသို့ ရွှေ့ပြောင်းပေးနေရပါတယ်။
အမေရိကန်စစ်တပ်က အီရန်နိုင်ငံအတွင်းရှိ စစ်ဘက်ဆိုင်ရာပစ်မှတ်တွေကို၁၀ ညဆက်တိုက် ဗုံးကြဲတိုက်ခိုက်နေတာဖြစ်ပြီး အီရန်ဘက်ကလည်း ပင်လယ်ကွေ့ဒေသရှိ အမေရိကန် စစ်စခန်းတွေကို ပြန်လည်လက်စားချေ တိုက်ခိုက်နေပါတယ်။
အမေရိကန်ဘက်က စစ်ရေးအရ တိုက်ခိုက်မှုတွေ ရပ်တန့်တာမရှိသရွေ့ ဟောမုဇ်ရေလက်ကြားကို ပိတ်ထားမှာဖြစ်ပြီး အဲဒီရေလမ်းကြောင်းမှ ရေနံနဲ့ဓာတ်ငွေ့တွေထွက်ရှိနိုင်မှာမဟုတ်ဘူးလို့လည်း အီရန်ဘက်က သတိပေးထားပါတယ်။
