Border News Agency
မြင်းခြံ၊ စက်တင်ဘာ ၂၆။
မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်မှာ စစ်ရေးလှုပ်ရှားရာနယ်မြေအတွင်း ကျွံဝင်လာတဲ့ အာဏာသိမ်းစစ်တပ်အဖွဲ့ဝင်သုံးဦးကို ပစ်ခတ်ဖမ်းဆီးရာ နှစ်ဦးသေဆုံးပြီး တဦးအရှင်ဖမ်းဆီးရမိခဲ့တယ်လို့ Myingyan Black Tiger (MBT) က စက်တင်ဘာလ ၂၅ ရက်၊မနေ့ကထုတ်ပြန်ပါတယ်။
တော်လှန်ရေးနယ်မြေအတွင်း ကျွံဝင်လာတဲ့ အာဏာသိမ်းစစ်တပ် အဖွဲ့ဝင်သုံးဦးကို မြင်းခြံခရိုင် အမှတ် (၉) တပ်ရင်းက ပစ်ခတ်တားဆီးခဲ့တာဖြစ်ပါတယ်။
အဲဒီလိုပစ်ခတ်တားဆီးစဉ် အကြိမ်ကြိမ်လက်နက်ချခိုင်းပေမယ့် ငြင်းဆန်ထွက်ပြေးတာကြောင့် အာဏာသိမ်းစစ်တပ်အဖွဲ့ဝင်နှစ်ဦးကို အသေဖမ်းဆီးခဲ့တာပါ။
အဲဒီအပြင် အာဏာသိမ်းစစ်တပ်လက်ပါးစေ မြင်းခြံပျူစောထီးခေါင်းဆောင် သီတာယုမွန်ရဲ့တပည့်ဖြစ်သူ ဝဏ္ဏစိုး ဆိုသူကို ပိစတိုသေနတ်တလက်နဲ့အတူ အရှင်ဖမ်းဆီးရမိခဲ့တယ်လို့ဆိုပါတယ်။
အာဏာသိမ်းစစ်တပ်ရဲ့ မတရားပေါ်တာဆွဲတပ်သားသစ်စုဆောင်းနေမှုတွေမှ မြို့ပြလူငယ်တွေအနေနဲ့ရုန်းထွက်ကြဖို့ကိုလည်း တိုက်တွန်းထားပါတယ်။
