Border News Agency
စစ်တွေ၊ ဧပြီ ၂၆။
ဘင်္ဂလားဒေ့ရှ်နိုင်ငံမှ စစ်တွေမြို့သို့ ဆေးခြောက်တွေတင်ဆောင်လာတဲ့ ဘုတ်နှစ်စီးနဲ့အတူဘင်္ဂလားဒေ့ရှ်နိုင်ငံသားဆယ့်တဦးကို အာရက္ခကမ်းခြေစောင့်တပ်ဖွဲ့မှ ဧပြီလ ၂၄ ရက်၊ မနေ့ကဖမ်းဆီးခဲ့ပါတယ်။
အဲဒီရသေ့တောင်မြို့နယ်၊ ဒုံးပိုက်နဲ့ ချိန်ခါလီကြားမှာ စက်ပျက်ပြီးကျောက်ချရပ်နားထားတဲ့ ဘုတ်တစီးကို နေ့လည်တနာရီကျော်မှာဖမ်းခဲ့ပြီး ဘင်္ဂလားဒေ့ရှ်နိုင်ငံသားအမျိုးသားခြောက်ဦးနဲ့ အမျိုးသမီးတဦးပါပါတယ်။
အဲဒီဘုတ်ပေါ်က ကီလိုဂရမ်အလိုက်ထုပ်ထားတဲ့ ဆေးခြောက်နှစ်ဆယ့်သုံးထုပ်အပြင် ယားနာလိမ်းဆေး၊ သန္ဓေတားဆေး၊ လက်ကိုင်ဖုန်းလေးလုံးနဲ့ တာကာငွေငါးရာကို သိမ်းဆည်းရမိခဲ့တာပါ။
အဲဒီဘုတ်ကို လာယူတဲ့ဘင်္ဂလားဒေ့ရှ်နိုင်ငံသားလေးဦးပါ ဒုတိယဘုတ်ကို နေ့လည်နှစ်နာရီကျော်အချိန်မှာအာရက္ခကမ်းခြေစောင့်တပ်က ထပ်ဖမ်းခဲ့ပါတယ်။
အဲဒီဘင်္ဂလားဒေ့ရှ်နိုင်ငံသား ဆယ့်တဦး၊ ဆေးခြောက်တွေနဲ့ ဘုတ်နှစ်စီးကို အာရက္ခအစိုးရထိန်းသိမ်းထားပြီး ဥပဒေနဲ့အညီ ဆက်လုပ်နေပါတယ်။
