Border News Agency
ဖားကန့်၊ သြဂုတ် ၄။
ကချင်ပြည်၊ ဖားကန့်မြို့နယ်၊ မမုံစံပြကျေးရွာမှာ မိုးအဆက်မပြတ်ရွာသွန်းမှုကြောင့် ဩဂုတ်လ ၄ ရက်၊ ဒီနေ့မှာ မျောကြောင်းထိုးကျပြီးရေကြီးရေလျှံမှုနဲ့မြေပြိုမှုတွေဖြစ်ပွားခဲ့ပါတယ်။
အဲဒီမမုံရွာအတွင်း လမ်းမတွေပေါ် မတော်တဆရေနီတွေစီးဆင်းလာပြီး နေအိမ်အချို့ယိုင်လဲပျက်စီးတာ၊ သွပ်မိုးနဲ့အုတ်တံတိုင်းတွေပြိုကျတာတို့ ဖြစ်ပေါ်ခဲ့ပါတယ်။
အဲဒီအပြင်မျောကြောင်းနဲ့အတူ ကျောက်ခဲကြီးတွေနဲ့နှုန်းတွေမျောပါလာတာကြောင့် လမ်းကြောင်းအချို့ပိတ်ဆို့မှုတွေရှိနေပြီး အပျက်အစီးတွေကိုဖယ်ရှားရှင်းလင်းနိုင်ဖို့ ဘက်ဟိုးစက်ကြီးတွေနဲ့လုပ်နေရပါတယ်။
ခုလက်ရှိ ဖားကန့်ဒေသတဝိုက်မှာ မိုးဆက်လက်ရွာသွန်းနေဆဲဖြစ်တာကြောင့် မမုံစံပြကျေးရွာအပါအဝင် အနိမ့်ပိုင်းဒေသခံတွေအနေနဲ့ရေဘေး၊ မြေပြိုမှု အန္တရာယ်တွေကို အထူးသတိပြုကြဖို့လိုအပ်နေပါတယ်။
