Border News Agency
မိုးကုတ်၊ သြဂုတ် ၅။
မန္တလေးတိုင်း၊ မိုးကုတ်မြို့၊ အနောက်ပိုင်း၊ ပန်းမရပ်ကွက်၊ ပတ္တမြားသျိုမှာ သြဂုတ်လ ၅ ရက်၊ ဒီနေ့မနက်က မိုးသည်းထန်စွာရွာသွန်းမှုကြောင့် မြေထိန်းနံရံပြိုကျလို့ လူတဦးဒဏ်ရာရသွားခဲ့ပါတယ်။
အဲဒီမြေထိန်းနံရံပြိုကျမှုကြောင့် ပတ္တမြားသျိုရှိ လူနေအိမ်နှစ်လုံးလည်းပျက်စီးသွားခဲ့တာ ဖြစ်ပါတယ်။
အဲဒီမြေပြိုတဲ့နေရာသို့ အနောက်ပိုင်းအရန်မီးသတ်တပ်ဖွဲ့၊ ကြက်ခြေနီတပ်ဖွဲ့နဲ့ လောကဟိတအသင်းတို့ပူးပေါင်းပြီး အရေးပေါ်ကူညီကယ်ဆယ်ရေးလုပ်ငန်းတွေ လုပ်ပေးနေပါတယ်။
မိုးကုတ်မြို့အပါအဝင် တောင်ပေါ်ဒေသတွေမှာ မိုးရာသီအတွင်း မိုးသည်းထန်စွာ ရွာသွန်းရင်းမြေပြိုမှုနဲ့ မြေထိန်းနံရံပြိုကျမှုတွေဖြစ်နိုင်တာကြောင့် တောင်စောင်းနဲ့ မြေထိန်းနံရံအနီးအနားနေထိုင်သူတွေအနေနဲ့ အထူးဂရုပြုသတိထားကြဖို့လည်း အသိပေးထားပါတယ်။
